友愛邨謀殺案｜大排檔職員講述事發前傳惡漢曾因肢體碰撞鬧爆南亞男

更新時間：18:05 2024-11-10
發佈時間：18:05 2024-11-10

屯門一名男子今日（10日）凌晨在家中暈倒，送院後不治，警方經調查後發現他落街買宵夜期間遇襲受傷，將案件列作謀殺，並拘捕4名男子。有大排檔的職員透露，事發前有一名南亞漢與多名男子於上址發生爭執，之後邊行邊鬧，最後走到友愛街市附近繼續罵戰。

相關新聞：宵夜男見人打架做「塘邊鶴」遇襲警再拘兩男累計4人落網

有大排檔的職員指，昨晚有一個南亞家庭於上址食宵夜飲酒消遣，其間一名男子去廁所期間，與數名疑似作地盤工人打扮的男子因肢體碰撞問題發生爭執，「兩邊人嘈得好犀利好激動，個南亞佬突然擸去張凳，我哋就即刻上前㩒停佢，然後拉佢走，佢老婆仲過晒嚟勸交」。雙方一直爆粗嘈交，並沒有動手打交，「一路都係口角啫，爆晒粗，南亞佬唔鍾意俾人X，可能因為咁就開始同人嘈起上嚟」。雙方被負責人趕走後，一直邊行邊鬧，直到走到友愛街市附近仍繼續展開罵戰。

據了解，死者當時落街買宵夜，見到有人嘈交便站在一旁做「塘邊鶴」看熱鬧，其間懷疑「睇唔過眼」上前出聲，卻引起其中一方不滿而遭人圍毆。