車Cam直擊│文錦渡路綠Van無扭軚 直撼吊臂車尾 網民：咁都撞到？
更新時間：10:28 2024-12-04
發佈時間：10:28 2024-12-04
發佈時間：10:28 2024-12-04
字體大小
打鼓嶺文錦渡路虎地坳附近於昨早（3日）發生專線小巴與吊臂車相撞意外，小巴上4人受傷需要送院。今日（4日）網上流出涉事車Cam片，所見當時吊臂車倒車停在文錦渡路路口，小巴沿文錦渡路往上水方向駛至，其間未有減速也未有扭軚，直撼吊臂車車尾。有網民直呼驚險，質疑：「咁都撞到？」又留言稱：「好彩係撞左邊，撞右邊就真係大鑊。」
涉事地點是文錦渡路經過虎地坳、近文錦渡抽水站，事發時現場消息稱，吊臂車由貨倉倒車，駛出文錦渡路。從車Cam片所見，當時吊臂車已停在文錦渡路路口，涉事專線小巴則沿文錦渡路往上水方向駛至，惟小巴未有閃避，左邊車頭直撞向吊臂車車尾。小巴左邊車頭登時被劏開，擋風玻璃爆裂，展示路線牌的車頂亦下陷變形。
現場塵土飛揚，碎片四散，吊臂車亦被撞至車身搖擺。幸尾隨小巴的一輛Tesla電動車及時收掣，未有再撞上小巴，Tesla之後亮起「死火燈」，提示後面的車輛。
事發於昨日早上9時許，涉事小巴的67歲姓郭男司機事後報警，小巴上2男2女乘客（年齡介乎38至65歲）受傷，全部清醒被送往北區醫院治理。警方正調查意外原因。
最Hit
