深水埗工人危坐天台邊 拉橫額追50萬欠薪 工友呻「欠兩個月糧 冇錢過年」
更新時間：12:11 2025-01-20
發佈時間：12:11 2025-01-20
發佈時間：12:11 2025-01-20
字體大小
深水埗鴨寮街195-201號明珠大樓，今（20日）早上11時29分，3名工人危坐天台邊，拉起橫額「有汗出冇糧出 還我血汗錢」追討欠薪，涉款約50萬元。消防員接報到場，到天台與工人了解事件，警員在地面戒備。據稱，有關大判已到場與工人進行談判。
有份追薪的工友陳先生表示，今日一行10人到達上址，其中6人登上天台，3人坐在天台邊拉起橫額。陳先生說，上址於去年8月份開始外牆維修工程，他們在9月份加入，負責外牆水喉工程，但9及10月兩個月均無出糧，「一直冇糧出，老闆一個禮拜拖一個禮拜，都冇畀到錢，每個人平均欠2萬多元至5萬多元不等。」
陳先生又說「大判話畀咗錢二判，二判又冇出糧畀我哋，唔知有冇呃人。」10多名工人被拖欠約50萬元薪金。其實工程早在去年10月31日已完工，但迄今未收到薪金，工人已於去年10月31日到長沙灣的勞工處求助備案。
陳先生坦言一家七口，包括老人家、三個小孩，連交租都靠他份糧，今次工程欠他58000元薪金，「冇錢過年，真係冇錢用！」
追薪的兩位陳姓工友講述苦況。梁國峰攝
最Hit
《芭蕾童趣嘉年華：瘋狂茶會》周末屯門上演 與愛麗絲共迎新年 輸入優惠碼即享85折優惠「NUTCRACKER」
2025-01-20 17:15
楊茜堯直認對賽果失望 與多位無獎花旦圍爐 自爆心目中視帝視后另有其人
2025-01-21 12:00
陳慧嫻首場紅館騷爆意外 疑因高跟鞋過高台上仆低
13小時前