興田邨爆炸｜街坊憶述「嚇到腳軟」爆炸單位兩日前曾有人上門追債
更新時間：12:12 2025-03-04 HKT
發佈時間：12:12 2025-03-04 HKT
發佈時間：12:12 2025-03-04 HKT
字體大小
藍田興田邨美田樓27樓一單位昨日（3日）發生大爆炸，冷氣機及窗框被炸開飛墮地面，大門鐵閘遭炸飛至走廊，大量雜物散落一地，52歲姓劉男戶主昏迷送院，現時情況危殆。消防經調查後認為爆炸原因有可疑，轉交觀塘警區重案組跟進。今早《星島頭條網》記者重返現場，肇事單位對面的76歲姓李男住戶，昨日報稱受驚心口痛須送院檢查，他已經出院，今早與本網憶述昨日事件仍猶有餘悸，直言「成世人都係第一次見，點知道咁勁先得㗎！」
相關新聞：藍田興田邨單位爆炸釀3傷 男戶主二級燒傷 冷氣機窗框被炸開飛墮樓
李伯說，昨早10時已嗅到有異味，其後消防、警員、煤氣公司職員都陸續到達現場，「消防嚟到拍咗幾次門都冇人應門，爆炸之後，幾個消防員抬佢（男戶主）出嚟，佢都冇晒知覺，冇反應。」他形容爆炸威力驚人，「門都甩晒，一隻窗都冇得剩，你話幾緊要。」
相關報道：興田邨爆炸｜居民疏散大廈一度全封 街坊猶有餘悸：傷唔到人算執到
而鄰居黃婆婆亦被嚇得魂飛魄散，「當時聽到好大聲，失驚無神，間屋都震晒，個人都震埋，我到依家都仲腳軟。」她指初時很多消防員、警察到場，最初仍未找到氣體洩漏源頭，之後有煤氣公司職員到場，「佢哋嚟咗一陣就爆炸，消防員叫我哋閂門，打開啲窗。肇事單位的女戶主我識，佢要返工，反而男戶主未見過，我好少見到佢哋啲仔女。」
相關報道：興田邨爆炸｜災難現場曝光 牆壁石屎磚頭剝落 鐵閘被炸飛
消息稱發生爆炸的單位有一家四口居住，包括一對夫婦及其兩子女，早年一對子女已遷出，事發三日前女戶主亦不見出入單位，兩日前曾有人上門追債，昨日就發生爆炸事件。街訪稱不見男戶主外出上班，估計他無業。
相關報道：興田邨爆炸｜涉事單位過去3年無漏煤氣 機電署：疑煮食爐軟喉被人鬆脫肇禍
最Hit
AIGLE開倉直擊劈至3折！一連7日 $199起入手招牌雨靴/防水功能外套/風褸/滑雪服 附日期/地址
2025-03-03 16:48 HKT
前TVB主播秘密生B頭髮濃密好趣緻 做一事惹爭議 從未公布結婚突宣布懷孕
2025-03-03 21:00 HKT
珍惜生命│馬鞍山小六男生校園墮樓亡
11小時前
