湯圓 - 畀啲心機煲藥 | 升學表表姐
湯圓
2024-03-02 02:00
字體大小
有機會參觀中文大學中醫學院教學診所，見其藥房分別使用中藥濃縮顆粒，或者中藥飲片為病人配製藥包，趁機請教中醫院林志秀院長兩者效果有沒有分別？林院長循循善誘地說出一句智慧之言：「若果肯畀啲心機煲藥，中草藥煲出來的效果更勝一籌。」
自問用心聆聽，但不解何為「畀啲心機煲」，幸得中藥房主管從旁提水指點，才略知一二。要煲出好藥殊不簡單，未開火前要先將藥材浸泡半小時；煲藥的藥煲要夠大，渣水比例要正確，故常聞藥方指示「五碗水煲至一碗」，否則藥材中的關鍵成分未必能提取落藥；又個別藥材因應特性或需後下，兼且時候或有不同；有時還要「翻渣」，即用已煲藥材再煲一次，但比例時間又會不同……亦因為煲藥要如此畀心機，藥房主管坦言不少病人診症後都選擇請診所協助煲藥，更表示診所煲的味道跟家中煲的不一樣！煲藥新手如我，聽罷就知道林院長口中的「畀啲心機煲」不是開玩笑的。
為何人到中年仍是煲藥新手？不是沒有看中醫，只是近十年廿年，香港人個個追求快捷方便，診所又有土地問題，導致存放中草藥或畀心機睇火煲藥變成「不可能的任務」，亦因此令使用濃縮顆粒成為趨勢，更甚者我懷疑再過一代兩代，煲藥可能等同鬥蟋蟀，在古裝劇才會出現的環節。
寧願犧牲最佳效能，退而求其次都要求方便，是現代人的成本效益計算，也是悲哀。多謝林院長一言驚醒，以後不但畀啲心機煲藥，也畀啲心機生活。
湯圓
最Hit
劉德華「舊愛」現身睇演唱會坐頭排搶鏡 「舊情人」與朱麗蒨母女同框零交流？
2024-12-20 18:30
連鎖酒樓早茶優惠$29.8歎齊蒸飯+點心！鳳爪排骨飯/柴魚豬骨粥/咸水角/鯪魚球 網民讚抵：茶記都唔得！
2024-12-21 12:15
63歲劉德華開足72場演唱會 凍齡不老6大秘訣！長年不喝1飲品 早餐吃這些
2024-12-20 13:09
更多文章
