頭條戲場——《無聲》改編自真實事件的恐怖片
頭條戲場
2020-11-06 04:18
字體大小
我會形容《無聲》為一套恐怖片，開場不久已經好想喺戲院大叫，因為全片充斥濃烈絕望感，性侵、欺凌、父母不諒解、老師對壞事視若無睹，最令我心寒嘅係電影宣傳稿中「由真人真事改編」呢七個字。(11月19日上映)
電影入圍本屆金馬獎8項大獎，包括最佳新導演、最佳新演員、最佳男配角、最佳原著劇本、最佳剪輯、最佳美術設計、最佳原創電影音樂及最佳音效。戲中兩位新演員劉子銓及陳姸霏表現極度出色，後者便獲提名新演員，而另一位飾演小光的16歲南韓童星金玄彬（拍攝時14歲）獲提名最佳男配角，頂樓那場手語自爆戲感染力之強，睇到我流晒眼淚。
點解世上咁多衰人
電影改編自台灣多宗真人真事社會事件，包括特殊學校的校園霸凌及台南啟聰學校的集體性侵案。女主角貝貝（陳姸霏飾）被同學性侵後只輕描淡寫向心儀她的人拋下一句「他們只是在玩」，貝貝好痛好難過，但冇人幫佢，惡魔充斥人間睇到極氣憤，「我有大叫，但是他們聽不到！」藏着最深的無助及絕望。但最可怕、最讓人感到難過的是，當這樣的事件不斷發生時，一早應該選擇逃離的學生卻選擇留低，只因為「外面的世界更可怕」。配樂及音效要畀滿分，導演好用心，利用人聲頌唱加強感染力，令人心跳不停加速兼坐立不安，又模擬聽覺感官放大的效果，令觀眾能感受聾啞人的生活。
撰文：廖思慧
極度不安
■小光天台自爆一幕睇到好辛苦好難受，金玄彬小小年紀演技好厲害。 
一見鍾情
■張誠對貝貝一見鍾情，發現女神被欺凌睇唔過眼。 
蝦蝦霸霸
■小光係校中大佬，好多學弟跟佢一齊欺凌同學。
自私校長
■楊貴媚飾演特殊學校校長，知好多嘢但怕殺校乜都唔做。 
難為爺爺
■太保飾演貝貝的爺爺，以為將聾啞孫女送去特殊學校就係為佢好。
電影入圍本屆金馬獎8項大獎，包括最佳新導演、最佳新演員、最佳男配角、最佳原著劇本、最佳剪輯、最佳美術設計、最佳原創電影音樂及最佳音效。戲中兩位新演員劉子銓及陳姸霏表現極度出色，後者便獲提名新演員，而另一位飾演小光的16歲南韓童星金玄彬（拍攝時14歲）獲提名最佳男配角，頂樓那場手語自爆戲感染力之強，睇到我流晒眼淚。
點解世上咁多衰人
電影改編自台灣多宗真人真事社會事件，包括特殊學校的校園霸凌及台南啟聰學校的集體性侵案。女主角貝貝（陳姸霏飾）被同學性侵後只輕描淡寫向心儀她的人拋下一句「他們只是在玩」，貝貝好痛好難過，但冇人幫佢，惡魔充斥人間睇到極氣憤，「我有大叫，但是他們聽不到！」藏着最深的無助及絕望。但最可怕、最讓人感到難過的是，當這樣的事件不斷發生時，一早應該選擇逃離的學生卻選擇留低，只因為「外面的世界更可怕」。配樂及音效要畀滿分，導演好用心，利用人聲頌唱加強感染力，令人心跳不停加速兼坐立不安，又模擬聽覺感官放大的效果，令觀眾能感受聾啞人的生活。
撰文：廖思慧
更多文章
