頭條戲場 - 《風林火山》 重見天日 | 頭條戲場

3月中舉行的香港國際影視展(FILMART),有與會者看了15分鐘警匪大作《風林火山》片段加導演兼編劇麥浚龍(Juno)訪問,之後表示:「絕對係觀眾冇睇過嘅嘢」、「估你唔到嘅嘢」;話說現深居簡出的金城武,當看到自己的宣傳海報時也幽默稱︰「終於要上了嗎?」
早前FILMART上15分鐘《風林火山》片段,除一早曝光的「落雪銅鑼灣」外,仲有「金城武喺西隧張床度起身」、「劉青雲超越劉青雲」等,該與會者指,將咁多「估你唔到嘅嘢,好有邏輯咁剪成觀眾睇得明嘅商業電影,要分三部曲」。剪接師黃海曾說《風林火山》有2小時、3小時、6小時版本(傳聞仲有7小時版本),6小時版本不會送審公映(公映版會刪減角色的相關情節)。至於觀眾最關心的放映期,監製禤嘉珍早前在微博上回應「該片是完全未定檔的」,她表示FILMART的播放片段為特製宣傳片,將循環播放予各地發行商作營銷用。
片名源自《孫子兵法》
真係考古,Juno早年稱斷斷續續花了5年撰寫《風林火山》劇本,他在2015年FILMART上稱籌拍中;而正式拍攝期為2016至2017年,計一計數到今日有10年時間。Juno表示其導演工作已完成,之後傳出金城武唔肯補拍,但Juno否認,至2023年負責電影配樂的坂本龍一離世,Juno接手混音工序,後期製作無日無之。溫故知新《風林火山》故事︰片名源自《孫子兵法》,旨為犯罪世界下的新秩序。金城武自《傷城》(2006年)後再接拍警匪片,他十分欣賞《風林火山》劇本及導演前作《殭屍》;他這次飾演大財團的繼承人,圖洗脫家族販毒過去。古天樂演殺手、劉青雲演警探,衛詩雅是他的拍檔,男方有4分鐘一鏡過演出。梁家輝演心理專家,「爛面」嘅,有好多動作戲,心理專家要「吊威也」,的確「估你唔到」。
頭條戲場

劇組在惠州搭建1︰1銅鑼灣街景,構建落雪的香港。

古天樂做良心殺手,殺人有原則。

衛詩雅是劉青雲的拍檔,唔穿道袍揸槍周圍射。

香港國際影視展,有與會者看《風林火山》片段後稱「係觀眾冇睇過嘅嘢」。

劉青雲演警探,有4分鐘一鏡過演出。不是黑白電影。

《風林火山》最近登上柏林電影節(EFM 2025)《Product Guide Screen International》封面,話今年第3季有得睇。
最Hit
TVB視帝老婆公開辛酸史 被當透明只能苦笑 「肥啲都唔得」狂執樣免影衰老公
2025-04-24 11:00 HKT
稻香開業20年茶樓接連結業!這2區分店相繼離場 網民驚訝:假期要等位都執!
2025-04-24 12:13 HKT
香港人口高齡化 銀髮經濟成大勢所趨 香港貿發局時尚家品及家紡展 推動樂齡科技普及化
2025-04-17 17:30 HKT
港鐵免費打水?港男拖購物車+大膠樽取飲用水 網民憂「玩爛咗」:遲啲可能要拍八達通
2025-04-24 15:36 HKT
第三屆深港澳青創大賽參賽規模創新高 星島新聞攜手三地見證灣區創意新力量
2025-04-24 09:00 HKT
前港姐公開13歲女泳照遺傳修長好身材 曾傳戀于文鳳二哥 與陳鴻烈爆年差39歲緋聞
2025-04-24 17:00 HKT