白頭Lo - FMI全新日本民宿預約平台 訂房兼享商店餐廳資訊優惠 | 白頭Lo海外地產專欄
白頭Lo
2024-07-13 02:00
字體大小
日圓持續低水，吸引咗好多外國企業攻日。專營海外物業代理嘅FMI至匯投資都唔例外，佢哋除咗做埋日本地產開發商及民宿管理等業務，依家唔經唔覺已開發咗約三十個項目，其中大阪嘅項目主要係經營民宿，仲提供到約5%淨租金回報率俾佢哋嘅業主。
眼見日本旅遊業旺盛，FMI最近仲加碼開設自家民宿訂房App「Okini Home」，同市場上嘅訂房平台爭一日之長短。其實佢哋有呢個諗法都好順理成章，就係因為訂房平台費相當貴，與期俾呢筆錢而降低咗業主嘅租金回報，不如自己開番個平台，盡量減低業主開支，絕對係雙贏局面。
講番個App，「Okini Home」現時專攻大阪嘅民宿，所以用番句關西話最常聽到嘅「多謝」－「おおきに」命名。搜尋嘅時候亦相當簡便，可以按照心齋橋、難波、通天閣、千代崎同天下茶屋嚟搵適合自己嘅民宿，民宿嘅介紹同樣會可知道有咩設施同周邊景點、評分、入住同退房時間呢啲基本嘅資料，比較罕有嘅係會特別標示新落成嘅物業，如果特別傾向住新樓嘅朋友可以留意下。
另一個比較特別嘅功能係，FMI嘅星級買家周奕瑋（Jarvis）亦同時擔任咗代言人，所以喺App入面亦可以搵到佢介紹就近民宿嘅餐廳之餘，仲會提供當地一啲商店嘅獨家折扣優惠俾用家𠻹。
至於業主方面，FMI同時推出咗Owner App，俾業主方便地管理自己嘅民宿，輕鬆地查看民宿嘅入住率及預訂情況，夠晒公開透明啦！
更多文章
