關志康 - 給父母多少「家用」？ | 神耆商機
關志康
2024-07-15 02:00
字體大小
日前聚會時有一位老人家爭埋單，筆者笑問：「是否贏了馬？」他回應指：「今日有糧出，要慶祝下。」原來是細仔出身了，第一次出糧畀了幾千元「家用」，老人家超開心。近期有調查顯示，港人子女每月給家用中位數約6000元。事實上，時代變遷，現在「家用」兩個字已經有點老套，仔女只要能自給自足，父母已經好安心。兩老有租收、有息收，但若仔女仍會每月「課金」，哪怕只是少少錢，長者也足以感到子女孝心。
這位老友分享：「以前真是養兒防老，辛苦養大幾個仔女，寄望他們出身就可以有回報。幾個仔女每人畀少少，兩老都夠過世了。現在的後生你要養到幾多歲？即使收了家用，也隨時要倒貼。不過其實唔緊要，佢孝順我就安樂啦。」
有些父母為仔女出首期，甚至買定一層樓，連管理費、差餉都交埋，加上車位租金、高級會所會費等支出，通通都是父母自動轉帳支付。另一個有錢人解釋：「養兒一百歲，長憂九十九。我個仔全家移民去澳洲，我老婆一樣上網幫他買餸，越洋打點其生活瑣事。老婆話這不純粹是愛子深切，而是希望他們專心工作。」天下父母輔助仔女，也是希望讓他們無後顧之憂去闖世界。
一位前輩話：「『家用』其實是象徵式，攞個意頭而已，實質是『零和遊戲』，反正百年歸老後也是他的錢。現代的老人是『養老防兒』，即防止仔女行差踏錯。養佢一世、衣食住行都是有限數；最怕佢有鴻圖大計，遇上『大鱷』、騙子，甚至誤交損友、簽下私人債務擔保。條路仲有幾十年行，唔通你忍心睇住佢破產？」的確，若兒女官司纏身，或要賣樓「填氹」，恨鐵不成鋼，自己又如何安享晚年呢？
健康教育基金會主席
關志康
更多文章
