古星輝 - 8月迎來5G手機奧運 | 乜都5G
古星輝
2024-08-02 02:00
字體大小
近日全城忙住追奧運，原來本屆係首度准許運動員喺頒獎台上用手機自拍，大家亦見到選手們拎住部由官方派發嘅最新5G摺機出嚟Selfie一番，記錄難忘時刻。
提到5G手機，早前有市場調查機構公布今年上半年內地市場嘅手機銷量，國產品牌上半年走勢向好，單以第2季手機激活量而言，首兩位皆是國產品牌，激活量為逾千萬部，佔市場份額接近4成，而果牌則穩佔第三位。
上半年國產品牌佔首兩位
至於中國工信部直屬嘅中國信息通訊研究院公布數據，6月份國產品牌手機出貨量按年多出12.7%，較去年增長57.1%，當中推出嘅5G型號有11款之多。乘勝當然要追擊，單是近期已有多個品牌宣佈推出旗艦型號，由與經典相機品牌聯乘以至最流行嘅摺機設計全部有齊。上半年稱霸嘅V牌，6月推出歐洲國家盃官方手機，喺本港獨家網絡商推動下銷售理想。而另一品牌嘅激薄旗艦摺機亦如箭在弦，劍指高端市場。
網傳有品牌準備於9月公布全球首部三摺式熒幕手機，打開後足足成部平板電腦咁大，品牌更為呢個設計申請專利，推出後勢成市場熱話。
傳果牌增出貨量迎AI
外國品牌方面，韓國代表今年提早推出旗艦摺機，在奧運配合下氣勢相當強勁。而近乎每年只出一機嘅果牌，新機傳聞越嚟越多，最新傳聞係期待已久嘅AI功能，需要喺10月嘅軟件更新後先會出現，市場有傳今年內將會至少付運9000萬部新機，較去年嘅付運量增加10%，看來佢哋對即將加入AI功能嘅新作充滿信心。
隨着各路好手逐一登場，一場5G手機奧運會已在場外同步上演，各位準備將手上舊機升級，為下半年5G機王投下神聖一票。
和記電訊香港執行董事及行政總裁
古星輝
最Hit
《中年3》有猛人加入取代冠軍導師？與前TVB花旦一見鍾情 被爆30歲失身
2024-11-23 14:20
肺癌4期男被判剩2個月命 每天吃1湯1菜 癌細胞消失延命6年
2024-11-23 13:15
花灑不清潔含菌量等同廁所水？專家教2招簡單除垢 1款調味料超有用 附4大花灑變髒特徵
2024-11-23 13:00
更多文章
