Executive日記——城大教授搭模擬馬桶 教市民正確沖廁方法
KellyChu
2020-02-13 04:17 HKT
字體大小
新冠肺炎疫情嚴峻，好多專家提醒，病毒易通過廁所傳播，尤其最近長康邨康美樓出現確診個案之後，點樣正確使用廁所，成為大家好關心嘅話題。今日城市大學建築學及土木工程學系嘅賴志強博士同李偉明博士就會舉行記者會，同市民講解，除咗沖廁所要蓋馬桶蓋，原來唔同水壓嘅馬桶，傳染病毒嘅風險都唔同㗎。
據Kelly所知，賴博士同李博士喺呢方面研究多年，今日為咗個記者會，專程喺實驗室搭咗個「模擬馬桶」出嚟，方便向記者講解咁話。
屆時，兩位博士會現場示範，沖廁個陣，蓋馬桶蓋固然重要，但若超過一定水壓，病毒就會經過蓋縫飛濺出嚟，仲會現場分享一啲補救貼士；另外，兩人仲會講解如果病毒經糞渠排氣管洩露，有乜點補救方法，希望幫到市民，齊心抗疫。
Kelly Chu
據Kelly所知，賴博士同李博士喺呢方面研究多年，今日為咗個記者會，專程喺實驗室搭咗個「模擬馬桶」出嚟，方便向記者講解咁話。
屆時，兩位博士會現場示範，沖廁個陣，蓋馬桶蓋固然重要，但若超過一定水壓，病毒就會經過蓋縫飛濺出嚟，仲會現場分享一啲補救貼士；另外，兩人仲會講解如果病毒經糞渠排氣管洩露，有乜點補救方法，希望幫到市民，齊心抗疫。
Kelly Chu
更多文章
