Executive日記——做一日「救火勇士」 拯救走失啤啤熊 三歲病童圓消防英雄夢
KellyChu
2020-07-24 04:18
字體大小
疫情下，好多志願服務受阻，好似致力為病童達成心願嘅「願望成真基金」，工作遇上更多困難，但無阻基金團隊奮力為一眾病童圓夢。最新一宗受惠個案，係患橫紋肌肉瘤、三歲嘅謙謙，佢好鍾意消防員㗎。基金好有心，搵來啟德消防局，合力為謙謙安排咗一日出更，佢仲好英勇咁拯救咗一隻啤啤熊O添。
謙謙每次聽到消防車嘅響號，就會開心到眼仔碌碌，每次見到消防車駛過，就識得好興奮咁講：「Fire Truck！Fire Truck！」願望成真基金諗，如果佢可以坐上消防車執勤，一定會好開心。早前謙謙病情穩定，基金即刻行動，得到啟德消防局支持，謙謙喺父母陪伴下，昂步仰首踏入消防局，喺消防哥哥協助下，穿上消醒目嘅消防員制服，一齊步操，然後坐上消防車，謙謙開心到笑咗出嚟。但真正考驗在後頭——有一隻啤啤熊走失咗，謙謙喺消防局搜尋，終於拯救番佢，不辱使命。Kelly好感動，多謝一班好有心嘅啟德防消員，小妹也為謙謙同其他病童打氣，大家努力面對以後嘅療程，要驅走病魔呀。
Kelly Chu
謙謙每次聽到消防車嘅響號，就會開心到眼仔碌碌，每次見到消防車駛過，就識得好興奮咁講：「Fire Truck！Fire Truck！」願望成真基金諗，如果佢可以坐上消防車執勤，一定會好開心。早前謙謙病情穩定，基金即刻行動，得到啟德消防局支持，謙謙喺父母陪伴下，昂步仰首踏入消防局，喺消防哥哥協助下，穿上消醒目嘅消防員制服，一齊步操，然後坐上消防車，謙謙開心到笑咗出嚟。但真正考驗在後頭——有一隻啤啤熊走失咗，謙謙喺消防局搜尋，終於拯救番佢，不辱使命。Kelly好感動，多謝一班好有心嘅啟德防消員，小妹也為謙謙同其他病童打氣，大家努力面對以後嘅療程，要驅走病魔呀。
Kelly Chu
最Hit
惠康一連7日免費大派3款中式糖水雪糕杯！薑汁撞奶/椰香厚奶/陳皮紅豆沙口味雪糕 附領取步驟
2024-09-26 17:05
網民踢爆連鎖餐廳疑用內地預製米飯！怒斥離譜︰啲飯成個蘿蔔糕咁！同一餐廳曾推無檸檬檸茶
2024-09-26 17:53
90年代TVB「御用爛仔」真實一面掀熱議？ 擁14個專業資格仍難上位
2024-09-26 14:20
更多文章
