Executive日記——公大徵新校名建議 網民創意大爆發
KellyChu
2020-08-25 04:16
字體大小
公開大學昨天話，為咗消除外界以為該大學淨係提供遙距教育嘅誤解，宣佈要改名，並公開同市民徵集校名建議，有興趣嘅朋友，下個月三十號前可以去學校網站畀啲意見。網上即刻掀起熱話，有網民好有創意咁提啲搞笑名，好似「香港何文田大學」、「鯨魚大學」、「不遙距教育大學」等等，都幾搞笑。
公大話，去年同今年年初已經諮詢過學生、校友同教職員，大部份人支持大學改名，覺得有個新校名會更適合反映學校發展嘅重點同優勢。同時，學校成立咗委員會處理改名一事，公眾提出嘅建議會交畀委員會審議同評選，之後會再交一個最合適嘅新名畀大學校董會審批。
公大於一九八九年由政府創辦，前身叫公開進修學院，開始個陣，致力搞開放同遙距教育，九七年改名做公開大學，○一年開辦全日制課程，O依家成功轉型做一間綜合型大學，有約一萬個全日制學生、九千個兼讀生，提供包括檢測和認證、護理學、幼兒教育及心理學等各種課程。
Kelly Chu
公大話，去年同今年年初已經諮詢過學生、校友同教職員，大部份人支持大學改名，覺得有個新校名會更適合反映學校發展嘅重點同優勢。同時，學校成立咗委員會處理改名一事，公眾提出嘅建議會交畀委員會審議同評選，之後會再交一個最合適嘅新名畀大學校董會審批。
公大於一九八九年由政府創辦，前身叫公開進修學院，開始個陣，致力搞開放同遙距教育，九七年改名做公開大學，○一年開辦全日制課程，O依家成功轉型做一間綜合型大學，有約一萬個全日制學生、九千個兼讀生，提供包括檢測和認證、護理學、幼兒教育及心理學等各種課程。
Kelly Chu
更多文章
