Executive日記——拉眼皮手術傷口出現瘀血 石禮謙 「貪靚」 變大熊貓
KellyChu
2020-08-31 04:17
字體大小
經民聯立法會議員石禮謙（Abraham）近日兩眼發黑，十足一隻熊貓咁嘅樣，唔少政商界朋友見狀都嚇親，紛紛問佢發生咩事，但佢無透露詳情，只係多謝大家關心。Kelly八卦到，原來佢眼皮下垂，影響視力，所以去做拉皮小手術，點知一向食開薄血藥，傷口周圍血液凝固慢，變成瘀血，忽然間變身成為大熊貓。
眼皮下垂，喺年長朋友常見。Abraham畀下垂嘅眼皮遮住視線，於是去接受一個小手術，將眼皮拉回正常嘅位置，本應好簡單，但Abraham心臟搭過支架，一直服用薄血藥，血液無咁容易凝結，結果小手術之後，佢雙眼周圍出血但又凝固慢，結果變成瘀血，出現一對嚇人嘅黑眼圈。
有知情嘅老友就笑佢「貪靚」惹禍。而前高官葉澍堃同Abraham份屬老友，見佢咁樣，笑佢眼見外賣速遞平台foodpanda生意火爆，想出錢收購，點知唔成功，但自己就變身大熊貓。點都好，搞笑還搞笑，Kelly祝願Abraham早日康復。
Kelly Chu
眼皮下垂，喺年長朋友常見。Abraham畀下垂嘅眼皮遮住視線，於是去接受一個小手術，將眼皮拉回正常嘅位置，本應好簡單，但Abraham心臟搭過支架，一直服用薄血藥，血液無咁容易凝結，結果小手術之後，佢雙眼周圍出血但又凝固慢，結果變成瘀血，出現一對嚇人嘅黑眼圈。
有知情嘅老友就笑佢「貪靚」惹禍。而前高官葉澍堃同Abraham份屬老友，見佢咁樣，笑佢眼見外賣速遞平台foodpanda生意火爆，想出錢收購，點知唔成功，但自己就變身大熊貓。點都好，搞笑還搞笑，Kelly祝願Abraham早日康復。
Kelly Chu
更多文章
