Executive日記——許樹昌梁卓偉互「撩」 推廣全民檢測
KellyChu
2020-09-02 04:16
字體大小
一般嚟講，男人「撩」女仔就見得多，昨日政府專家顧問、中大醫學院呼吸系統科講座教授許樹昌，同港大醫學院院長梁卓偉兩個大男人，就喺沙田源禾路體育館採樣中心上演一幕「男撩男」，原來佢哋親身示範，互相幫對方採樣做病毒檢測。
許樹昌話，抽樣個陣，先抽鼻腔樣本，之後再檢取咽喉樣本，全程兩分鐘搞掂，冇感到唔舒服；佢話，採樣場地好寬敞，成個流程唔洗點等，唔會有人群聚集嘅問題，又重申愈多人做檢測愈好。梁卓偉講，大規模檢測可以搵出隱形患者，防止社區大規模傳染，又建議政府，就算做完普及檢測，都要維持一定嘅檢測量，例如幫入住院舍嘅長者呢類高危群組做恒常測試，以防秋冬出現新一波疫情，兩位學者真有心。
Kelly Chu
許樹昌話，抽樣個陣，先抽鼻腔樣本，之後再檢取咽喉樣本，全程兩分鐘搞掂，冇感到唔舒服；佢話，採樣場地好寬敞，成個流程唔洗點等，唔會有人群聚集嘅問題，又重申愈多人做檢測愈好。梁卓偉講，大規模檢測可以搵出隱形患者，防止社區大規模傳染，又建議政府，就算做完普及檢測，都要維持一定嘅檢測量，例如幫入住院舍嘅長者呢類高危群組做恒常測試，以防秋冬出現新一波疫情，兩位學者真有心。
Kelly Chu
更多文章
