Executive日記——疫情緩和垃圾蟲出沒 戶外亂棄罩
KellyChu
2020-09-04 04:18
字體大小
疫情好轉，口罩令亦都放寬咗，外出做運動或去郊野公園行吓可以唔戴口罩，周末多咗人去戶外唞吓氣！但Kelly收到行山朋友傳來相片，見到城門水塘一帶遺下唔少口罩，仲有水樽等垃圾，真係愈睇愈嬲，放寬口罩令唔等如可以亂掉口罩呀。
Kelly從相中見到，喺城門水塘閘口附近有好多食物湯渣倒咗喺地下，緩跑徑兩旁、草叢同埋斜坡佈滿口罩同垃圾，甚至喺緩跑徑終點出荃錦公路發現大量垃圾廢料。喺川龍馬塘入口亦都有唔少垃圾、口罩，向車場沿路行，路邊亦有大量垃圾廢料未有清理。
Kelly見到好心痛！口罩係疫情嘅生活必需品，但好多港人欠缺公德心，去郊野公園玩完就周圍拋棄用過嘅口罩，不單止影響環境，仲可能帶有病毒，不利清潔工嘅健康。
小妹強烈要求漁護署同康文署加強執法，捉晒啲郊野垃圾蟲。
Kelly Chu
Kelly從相中見到，喺城門水塘閘口附近有好多食物湯渣倒咗喺地下，緩跑徑兩旁、草叢同埋斜坡佈滿口罩同垃圾，甚至喺緩跑徑終點出荃錦公路發現大量垃圾廢料。喺川龍馬塘入口亦都有唔少垃圾、口罩，向車場沿路行，路邊亦有大量垃圾廢料未有清理。
Kelly見到好心痛！口罩係疫情嘅生活必需品，但好多港人欠缺公德心，去郊野公園玩完就周圍拋棄用過嘅口罩，不單止影響環境，仲可能帶有病毒，不利清潔工嘅健康。
小妹強烈要求漁護署同康文署加強執法，捉晒啲郊野垃圾蟲。
Kelly Chu
更多文章
