Executive日記——《頭條開Live》本地遊夠刁鑽 搵經典電影隱世場景
KellyChu
2020-10-07 04:17
字體大小
疫情下無得旅行，好多人喺香港行下山，或者去酒店Staycation，唞吓放鬆吓！但對於Kelly呢啲玩得刁鑽又另類嘅人，匿喺酒店hea呢又點會滿足？最近聽周身刀嘅人氣KOL方健儀講，佢嚟緊會喺十月九日（五）晚上八點《頭條開Live》講「刁鑽本地遊」，咪以為又係大澳買蝦醬，或者沙田踩單車呀，今次佢搵埋旅遊狂熱份子陳智遠同旅發局企業事務總經理梁美寶「帶團」，捐窿捐罅尋找香港隱世景點，特別啱晒電影迷同文青迷。點解咁講？因為兩位嘉賓會重溫多部港產電影嘅經典拍攝場景，好似《無間道》、《花樣年華》、《重慶森林》，再由《港囧》視角重現影像回憶！
除咗港產片，佢哋仲會講吓《變形金剛》、《高凶浩劫》等荷里活大製作，同埋多套專程嚟香港拍攝嘅日韓東南亞電影，睇吓海外影迷都想嚟朝聖嘅香港取景場地，係咪一講就即刻有畫面呢？到時仲會揭開電影拍攝場景嘅小秘密O添，電影迷絕對唔可以錯過！
至於對藝術有興趣嘅文青，記住留意節目介紹黃竹坑嘅工業藝術區，同埋潮聖跑馬地隱世私人博物館，仲有食Tea打卡靚點推介O添呀！姊妹們，自問好似Kelly咁玩得刁鑽嘅你，就要準時睇直播喇！
Kelly Chu
除咗港產片，佢哋仲會講吓《變形金剛》、《高凶浩劫》等荷里活大製作，同埋多套專程嚟香港拍攝嘅日韓東南亞電影，睇吓海外影迷都想嚟朝聖嘅香港取景場地，係咪一講就即刻有畫面呢？到時仲會揭開電影拍攝場景嘅小秘密O添，電影迷絕對唔可以錯過！
至於對藝術有興趣嘅文青，記住留意節目介紹黃竹坑嘅工業藝術區，同埋潮聖跑馬地隱世私人博物館，仲有食Tea打卡靚點推介O添呀！姊妹們，自問好似Kelly咁玩得刁鑽嘅你，就要準時睇直播喇！
Kelly Chu
更多文章
