Executive日記——鄧達智妙手設計港龍空姐服縮腰線拉長腿部比例
KellyChu
2020-10-22 04:16
字體大小
國泰大裁員，旗下港龍即時停運，走進歷史。Kelly同好多人都記得港龍空姐嘅制服好靚，原來出自時裝設計師鄧達智（William）之手，佢回憶參與嘅過程，因一次搭乘維珍航空見到女空姐「楔恤衫」嘅尷尬場面，於是靈機一觸，諗到連身裙嘅設計，仲縮短腰線位，等個個空姐睇起嚟腰短腳長，身材比例靚好多。
鄧達智對小妹話，當年為港龍航空諗新制服，係一次好玩嘅經驗，當年佢見到環球嘅航空公司空中服務員嘅制服，空姐千篇一律係出面外套，入面白恤衫，再穿裙，佢就諗如何突破。
有一次，William搭乘出名多靚空姐嘅維珍，俾佢見到一個空姐為客人放行季上頭頂櫃嘅時候，一舉手一伸腰，件白恤衫就拉鬆咗出來，要用手整番埋，喺客人面前好尷尬，佢即時諗港龍嘅新制服唔可以咁，結果佢敲定連身裙嘅設計，好處係唔會有維珍空姐嘅問題，同時可以三十秒快速換衫，等空姐們輕鬆改頭換面送客人落機。
仲有美感方面，William有獨到嘅睇法，由於亞洲人多腰長腳短，不似歐美人身材比例腰短腳長，所以佢特登縮短咗港龍制服嘅腰線位一吋，令到睇起來腰短咗，令到腳嘅比例長番，整體變成腰短腳長，外觀苗條咗，人人開心。至於空姐圍巾採用有蘇格蘭嘅格仔設計，係代表香港又中又西嘅背景，好有心思。
Kelly Chu
■空姐圍巾採用蘇格蘭格仔設計，代表香港中西合璧背景。
鄧達智對小妹話，當年為港龍航空諗新制服，係一次好玩嘅經驗，當年佢見到環球嘅航空公司空中服務員嘅制服，空姐千篇一律係出面外套，入面白恤衫，再穿裙，佢就諗如何突破。
有一次，William搭乘出名多靚空姐嘅維珍，俾佢見到一個空姐為客人放行季上頭頂櫃嘅時候，一舉手一伸腰，件白恤衫就拉鬆咗出來，要用手整番埋，喺客人面前好尷尬，佢即時諗港龍嘅新制服唔可以咁，結果佢敲定連身裙嘅設計，好處係唔會有維珍空姐嘅問題，同時可以三十秒快速換衫，等空姐們輕鬆改頭換面送客人落機。
仲有美感方面，William有獨到嘅睇法，由於亞洲人多腰長腳短，不似歐美人身材比例腰短腳長，所以佢特登縮短咗港龍制服嘅腰線位一吋，令到睇起來腰短咗，令到腳嘅比例長番，整體變成腰短腳長，外觀苗條咗，人人開心。至於空姐圍巾採用有蘇格蘭嘅格仔設計，係代表香港又中又西嘅背景，好有心思。
Kelly Chu
更多文章
