Executive日記——創意藝術裝置特色傢俬 為維港兩岸添新景色
KellyChu
2020-10-27 04:17
字體大小
維港真係好靚，當局近年打造多條海濱長廊，Kelly覺得愈多愈好。發展局海港辦事處與海濱事務委員會最近就舉辦咗一個「維多利亞港」字型藝術裝置設計比賽同海濱公共傢俬設計比賽，結果出咗啦！件件都咁靚，將於未來半年陸續喺維港兩岸多個地點同大家見面，屆時必定成為打卡嘅熱點。
「維多利亞港」字型藝術裝置設計比賽，經專業團體評審後，由年輕建築師黃鋈暉團隊設計嘅「香港之光」獲獎，作品長四十米、高三米，利用發光嘅彩色粗體字形，反映維港夜景標誌性嘅燈光。設計靈感源於中國傳統窗框同屏風工藝設計，可以滲透日光，而空心設計鼓勵公眾走入作品之中。呢個裝置預計明年上半年喺銅鑼灣避風塘以東嘅「東岸公園主題區」展示。
另外，比賽亦挑選咗二十組極具創意同香港特色嘅作品，預計今年年底起陸續放置在大角咀海輝道海濱花園、毗鄰灣仔碼頭嘅「渡輪碼頭畔主題區」，以及由前灣仔貨物裝卸區改造成嘅「水上運動及康樂主題區」。Kelly到時一定帶埋朋友去打卡。
Kelly Chu
■海濱公共傢俬設計比賽得獎作品。 
「維多利亞港」字型藝術裝置設計比賽，經專業團體評審後，由年輕建築師黃鋈暉團隊設計嘅「香港之光」獲獎，作品長四十米、高三米，利用發光嘅彩色粗體字形，反映維港夜景標誌性嘅燈光。設計靈感源於中國傳統窗框同屏風工藝設計，可以滲透日光，而空心設計鼓勵公眾走入作品之中。呢個裝置預計明年上半年喺銅鑼灣避風塘以東嘅「東岸公園主題區」展示。
另外，比賽亦挑選咗二十組極具創意同香港特色嘅作品，預計今年年底起陸續放置在大角咀海輝道海濱花園、毗鄰灣仔碼頭嘅「渡輪碼頭畔主題區」，以及由前灣仔貨物裝卸區改造成嘅「水上運動及康樂主題區」。Kelly到時一定帶埋朋友去打卡。
Kelly Chu
更多文章
