Executive日記——天文台解畫罕見 「莢狀雲」 天空現飛碟雲 唔係UFO襲港
KellyChu
2020-10-29 04:16
字體大小
剛過去嘅重陽節期間，好多人趁秋高氣爽去行山，唔少人報稱見到天空上出現狀似飛碟嘅雲朵，有人笑言係外星人訪港。天文台就解畫，原來所謂飛碟雲，實為「莢狀雲」，喺本港唔常見㗎，見到算好幸運！
天文台話，「莢狀雲」喺香港唔常見，成因喺當一層較為穩定同潮濕嘅空氣，遇到山脈而被迫抬升後，引起上下起伏嘅波浪，而喺波浪中上升嘅氣流令潮濕空氣變冷，凝結成肉眼看見嘅水點。由於呢類莢狀雲形狀似一塊或多塊凸透鏡，有時候被誤會為飛碟或不明飛行物體，所以「莢狀雲」亦俗稱「飛碟雲」。
Kelly聽講，「莢狀雲」嘅波浪喺由山脈引起，所以喺多山地區會較容易出現。若市民喺市區亦能成功捕捉到「莢狀雲」，有機會是風向將山區雲朵吹至市區，實屬十分幸運。
另外，早前熱帶氣旋「沙德爾」移近本港期間，多區天空見有紫紅色晚霞。天文台曾解釋，日出同日落時，陽光照射角度較低，光線經過大氣層被空氣中嘅水汽、水滴、塵埃等散射。陽光中一啲波長較短嘅青光、藍光、紫光會被大氣散射掉，只有紅光、橙光、黃光穿透大氣，天空會出現偏紅色。Kelly就喺重陽節假期喺南丫島行山，見到超級美麗嘅夕陽。
Kelly Chu
■南丫島早兩日遠眺到超級美麗嘅夕陽。
天文台話，「莢狀雲」喺香港唔常見，成因喺當一層較為穩定同潮濕嘅空氣，遇到山脈而被迫抬升後，引起上下起伏嘅波浪，而喺波浪中上升嘅氣流令潮濕空氣變冷，凝結成肉眼看見嘅水點。由於呢類莢狀雲形狀似一塊或多塊凸透鏡，有時候被誤會為飛碟或不明飛行物體，所以「莢狀雲」亦俗稱「飛碟雲」。
Kelly聽講，「莢狀雲」嘅波浪喺由山脈引起，所以喺多山地區會較容易出現。若市民喺市區亦能成功捕捉到「莢狀雲」，有機會是風向將山區雲朵吹至市區，實屬十分幸運。
另外，早前熱帶氣旋「沙德爾」移近本港期間，多區天空見有紫紅色晚霞。天文台曾解釋，日出同日落時，陽光照射角度較低，光線經過大氣層被空氣中嘅水汽、水滴、塵埃等散射。陽光中一啲波長較短嘅青光、藍光、紫光會被大氣散射掉，只有紅光、橙光、黃光穿透大氣，天空會出現偏紅色。Kelly就喺重陽節假期喺南丫島行山，見到超級美麗嘅夕陽。
Kelly Chu
更多文章
