Executive日記——飛行護士 爭分奪秒拯救生命
KellyChu
2020-11-13 04:17
字體大小
香港有好多無名英雄，急症科護士當之無愧，佢哋救急扶危，拯救生命。最近香港護理專科學院喺網上發出短片，介紹急症科護士嘅工作，由急症護理學院嘅William任主持，小妹覺得佢哋最特別嘅任務，係接收直升機緊急個案，一有直升機送來傷患者，急症科護士就會着上頭盔等全副保護裝備待命，當直升機降落，佢哋會豎起手指示意，等空勤人員回應手勢後，急症科護士就會去到直升機嘅三點或九點嘅位置，接收傷患者落機，片段中見到一個行山人士疑中暑，由直升機送院，並獲急症科護士妥善接送入院嘅過程，Kelly睇見佢哋表現專業，爭分奪秒救人，真係好感謝佢哋嘅專業同貢獻。
主持人William本身係一名專業急症科護士，佢工作繁忙，但有心服務社會，工餘加入飛行服務隊，成為飛行護士，今年踏入第十七年，有需要時登上飛機，去搜索同拯救有危急需要嘅人。呢個香港護理專科學院嘅節目，會每兩星期出片，共二十多集，小妹一定追看。
Kelly Chu
■急症科護士救急扶危。
主持人William本身係一名專業急症科護士，佢工作繁忙，但有心服務社會，工餘加入飛行服務隊，成為飛行護士，今年踏入第十七年，有需要時登上飛機，去搜索同拯救有危急需要嘅人。呢個香港護理專科學院嘅節目，會每兩星期出片，共二十多集，小妹一定追看。
Kelly Chu
更多文章
