Executive日記——李小龍主題電車出動
KellyChu
2020-11-25 04:17
字體大小
今年適逢已故武打巨星李小龍誕辰八十周年，Kelly發現有手繪師好有心，以「手繪」形式創作出全球首個「李小龍主題電車」，由即日起至明年一月二日，全數三部「李小龍八十周年紀念電車」，就會穿梭港島鬧市，其中兩部車廂內部更會以「李小龍九龍塘故居」為設計主題。李小龍迷和電車迷一定唔可以錯過打卡機會！
創作「李小龍主題電車」嘅手繪師阮繼增（Jimmy），曾經勇奪十年前《李小龍故居概念設計比賽》嘅專業組冠軍，參賽期間已經花咗唔少功夫研究李氏九龍塘故居嘅佈局和陳設。今年適逢李小龍誕辰八十周年，Jimmy本身係電車迷和熟悉手繪工藝，於是主動向電車公司申請設計一個「李小龍主題電車」，今年八月動工，歷時三個月完成。
Jimmy早前亦曾經為已故藝人張國榮設計手繪巴士，今次以李小龍為主題嘅電車，佢話最難繪畫嘅位置係窗口位、門口及車身內橫樑位置，因為要「就位」繪圖。Jimmy仲話除咗紀念李小龍外，亦都希望吸引街上途人，甚至海外「龍迷」，振興本地經濟、旅遊，以及提升香港國際形象。Kelly好支持！
Kelly Chu
創作「李小龍主題電車」嘅手繪師阮繼增（Jimmy），曾經勇奪十年前《李小龍故居概念設計比賽》嘅專業組冠軍，參賽期間已經花咗唔少功夫研究李氏九龍塘故居嘅佈局和陳設。今年適逢李小龍誕辰八十周年，Jimmy本身係電車迷和熟悉手繪工藝，於是主動向電車公司申請設計一個「李小龍主題電車」，今年八月動工，歷時三個月完成。
Jimmy早前亦曾經為已故藝人張國榮設計手繪巴士，今次以李小龍為主題嘅電車，佢話最難繪畫嘅位置係窗口位、門口及車身內橫樑位置，因為要「就位」繪圖。Jimmy仲話除咗紀念李小龍外，亦都希望吸引街上途人，甚至海外「龍迷」，振興本地經濟、旅遊，以及提升香港國際形象。Kelly好支持！
Kelly Chu
最Hit
更多文章
