商界講呢啲——橫掃16個業界獎項 「疫」市創商機
Cally
2021-03-16 04:16 HKT
字體大小
新鴻基地產代理有限公司（新地）旗下的東港城、上水廣場同PopWalk天晉滙，憑住早前聯手推出嘅「折上折瘋搶Online Sale」活動，喺《Marketing Magazine》主辦嘅「Mob-Ex Awards 2021」同「Asia e-Commerce Awards 2021」裏面，橫掃16獎，包括4金6銀5銅獎同全場最高榮譽嘅「流動營銷年度大獎」，真係可喜可賀呀。新地旗下三大商場充份掌握數碼化時代嘅網購新趨勢，成功把握疫情下嘅網上營銷機遇，為顧客提供嶄新同高互動性商場體驗，以創新營銷手法獲得業界廣泛認同。「Mob-Ex Awards」同「Asia e-Commerce Awards」一直都係以專業人士組成，目的係表揚出色流動營銷企劃同善用創新電子商務策略嘅企業。疫情之下，網購成為大趨勢，東港城、上水廣場同PopWalk天晉滙把握網上營銷機遇，早前仲聯手推出「折上折瘋搶Online Sale」優惠網，等市民足不出戶都可以超抵價瘋狂掃貨，盡情享受購物樂趣！3大商場仲聯手提供一連串期間限定嘅網上至抵優惠，包括1折搶購超過130間商戶電子優惠券等，等大家網上掃貨再到店自取，更同時利用Facebook直播推介產品優惠，善用社交平台的互動優勢，疫市之下都可以為商戶創造商機。
Cally
Cally
更多文章
