Executive日記——「澳牛」 「北河」入選亞洲50最佳
KellyChu
2021-03-19 04:17
字體大小
備受餐飲界重視嘅「亞洲五十最佳餐廳」，今年首次設立「亞洲之粹」名單，以不設排名方式向代表亞洲文化嘅餐廳致敬。喺香港，有六間餐廳上榜，包括深水埗明哥嘅「北河同行」、「澳洲牛奶公司」、「廚尊」、「九記牛腩」、「Roots」、「鴛鴦戲水」等等。
喺深水埗嘅「北河同行」，飯菜低廉，明哥(陳灼明)以向弱勢社群派飯菜出晒名。明哥同Kelly講，獲知受嘉許嘅消息，話每次餐廳獲獎，佢會觀摩榜上其他餐廳，睇下自己可唔可以做得更好。明哥話，疫情打擊經濟，但「北河」堅持走低價路線，希望基層受惠。唔少人去「北河」會食個醒神早餐，二十五蚊食到火腿奄列、牛油方包、沙爹牛肉麵，另加一杯飲品，Kelly好like。
至於「澳牛」，Kelly經常去排隊食個常餐，唔少食客形容侍應招呼差，但小妹又唔係好覺，「澳牛」嘅炒蛋多士同烘底蛋治，可謂全港無敵手。至於位於灣仔嘅「Roots」，唔少人會試下佢哋著名嘅fusion菜式。
Kelly Chu
喺深水埗嘅「北河同行」，飯菜低廉，明哥(陳灼明)以向弱勢社群派飯菜出晒名。明哥同Kelly講，獲知受嘉許嘅消息，話每次餐廳獲獎，佢會觀摩榜上其他餐廳，睇下自己可唔可以做得更好。明哥話，疫情打擊經濟，但「北河」堅持走低價路線，希望基層受惠。唔少人去「北河」會食個醒神早餐，二十五蚊食到火腿奄列、牛油方包、沙爹牛肉麵，另加一杯飲品，Kelly好like。
至於「澳牛」，Kelly經常去排隊食個常餐，唔少食客形容侍應招呼差，但小妹又唔係好覺，「澳牛」嘅炒蛋多士同烘底蛋治，可謂全港無敵手。至於位於灣仔嘅「Roots」，唔少人會試下佢哋著名嘅fusion菜式。
Kelly Chu
更多文章
