Executive日記——誤中老鼠膠白鶺鴒獲救 成嘉道理第二萬隻野放動物
KellyChu
2021-03-25 04:17
字體大小
香港樓宇密集，不時都有野生動物誤中陷阱而受傷，但慶幸同時有唔少好心人幫助佢哋。嘉道理農場暨植物園就話，旗下野生動物拯救中心早前已野放第二萬隻動物，到達新里程碑，而幸運兒就係去年十月誤中老鼠膠嘅野鳥白鶺鴒（Motacilla alba）！
園方喺facebook專頁話，受傷嘅白鶺鴒去年十月三十日，喺元朗錦綉花園附近畀老鼠膠黏住，身軀右側同翅膀完全黏緊，胸口皮膚更因掙扎而扯至脫落，Kelly聽完都覺得心痛。慶幸有路過嘅市民發現，立即搶救，白鶺鴒傷勢隨即受控，經過治療後完全康復。園方鳥類專家本月十七日，為佢進行鳥類環誌，並量度身體之後，就喺合適嘅溪邊林區野放。園方話，曾救助並野放嘅動物，包括誤撞玻璃嘅麻雀、誤吞捕獵鈎嘅瀕危物種大頭龜、被狗襲擊嘅極度瀕危物種中華穿山甲等，獲救時都好虛弱，不過，經過園方療同訓練，最後都可以健康咁重返大自然。
Kelly Chu
園方喺facebook專頁話，受傷嘅白鶺鴒去年十月三十日，喺元朗錦綉花園附近畀老鼠膠黏住，身軀右側同翅膀完全黏緊，胸口皮膚更因掙扎而扯至脫落，Kelly聽完都覺得心痛。慶幸有路過嘅市民發現，立即搶救，白鶺鴒傷勢隨即受控，經過治療後完全康復。園方鳥類專家本月十七日，為佢進行鳥類環誌，並量度身體之後，就喺合適嘅溪邊林區野放。園方話，曾救助並野放嘅動物，包括誤撞玻璃嘅麻雀、誤吞捕獵鈎嘅瀕危物種大頭龜、被狗襲擊嘅極度瀕危物種中華穿山甲等，獲救時都好虛弱，不過，經過園方療同訓練，最後都可以健康咁重返大自然。
Kelly Chu
更多文章
