Executive日記——團體質疑帶來光害 破壞鄉村環境 荔枝窩豎立LED屏幕搞邊科？
KellyChu
2021-04-07 04:17
字體大小
唔少市民都愛去郊野親親大自然。有團體發現，政府喺荔枝窩村整咗個展示天氣資料嘅LED屏幕，質疑會帶來光害，破壞鄉村環境，成件事冇從遊人角度出發。Kelly覺得政府用意係好，但都要多聽山友意見，以免好心做壞事！
本土研究社喺facebook專頁話，政府喺荔枝窩協天宮同小瀛學校旁邊、古榕樹對面，豎立咗巨型LED屏幕，「唔講以為自己去咗麥當勞點餐」。佢哋覺得呢個LED屏同四周圍自然環境唔夾，喺遠處已見到屏幕「閃吓閃吓」，揶揄好似「漆黑中嘅螢火蟲，非常出眾」。團體及網民亦質疑儀器日曬雨淋，保養成本一定高。本研社亦喺石澗邊發現兩米高嘅大型指示牌，又係破壞地貌。
漁護署話，電子屏幕亦有放喺北潭涌同城門，提供當區實時天氣消息，亦會播放宣傳短片，提示山友遵守山系禮儀同防疫措施；強調會遵守叢林法則，黃昏時候會自動關閉，以免影響野生動物。此外，每個LED屏成本約二十三萬元，費用包括設計、生產、安裝同三年保養。
其實類似爭議事件都發生過，石澳龍脊行山徑上月驚現一座木製「龍爪」雕塑，惹來劣評，唔夠幾日就畀政府拆咗。漁護署解釋屬試驗性質，承認同附近自然環境唔夾。
Kelly Chu
本土研究社喺facebook專頁話，政府喺荔枝窩協天宮同小瀛學校旁邊、古榕樹對面，豎立咗巨型LED屏幕，「唔講以為自己去咗麥當勞點餐」。佢哋覺得呢個LED屏同四周圍自然環境唔夾，喺遠處已見到屏幕「閃吓閃吓」，揶揄好似「漆黑中嘅螢火蟲，非常出眾」。團體及網民亦質疑儀器日曬雨淋，保養成本一定高。本研社亦喺石澗邊發現兩米高嘅大型指示牌，又係破壞地貌。
漁護署話，電子屏幕亦有放喺北潭涌同城門，提供當區實時天氣消息，亦會播放宣傳短片，提示山友遵守山系禮儀同防疫措施；強調會遵守叢林法則，黃昏時候會自動關閉，以免影響野生動物。此外，每個LED屏成本約二十三萬元，費用包括設計、生產、安裝同三年保養。
其實類似爭議事件都發生過，石澳龍脊行山徑上月驚現一座木製「龍爪」雕塑，惹來劣評，唔夠幾日就畀政府拆咗。漁護署解釋屬試驗性質，承認同附近自然環境唔夾。
Kelly Chu
最Hit
大快活長者優惠升級！持「快活關愛長者卡」餐餐減$6／加$4即享滋潤糖水 (附申請教學/詳情)
2024-11-12 12:22
太興優惠｜太興集團推出全新飲食優惠！外賣$48豉油雞+晚市$35菠蘿咕嚕肉/燒味雙拼 附優惠日期/時間
2024-11-12 13:26
40歲千億港姐冠軍回流溫哥華三年 擁五重身份 考獲地產經紀牌賣樓
2024-11-11 22:00
更多文章
