Executive日記——「糟糕灣」劣食層出不窮 隔離市民瘦咗幾公斤
KellyChu
2021-05-13 04:16
字體大小
竹篙灣檢疫中心膳食差到一個點，接受檢疫嘅市民嬲到爆，即使換咗之前「粟米肉磚飯」供應商，但市民批評新供應商一樣係劣食，好似番茄意粉，竟然係無汁、無鹽、無油嘅「三無添加」白烚意粉，仲有雪藏味好勁嘅肉，令人諗起「殭屍肉」，爆料者形容入營二十一天「無啖好食」，「放監」後瘦咗幾公斤！Kelly聽見到打個震，當局搞到「竹篙灣」變「糟糕灣」！
市民陳小姐早前被列為變種病毒確診人士嘅密切接觸者，入竹篙灣檢疫中心隔離二十一天，入去前已有心理準備食物好差，點知超乎想像，「無諗過難食到咁」，番茄意大利麵係無汁、無鹽、無油的「無添加」白烚意粉，「都有幾粒好細嘅番茄，無違反《商品說明條例》」，大部份肉類一陣濃烈嘅雪藏味，疑係急凍存放多年嘅「殭屍肉」，應該冇將肉類「飛水」除去雪藏味，「唔知呢位廚師敢唔敢食自己煮嘅嘢？」
仲離譜嘅係，陳小姐指某天收到好像曾經被老鼠偷吃、爆殼兼且甩掉部份蛋白的水煮雞蛋。至於蔬菜，一日三餐係白烚椰菜同紅蘿蔔，「食到厭，監獄都會換下菜單卦！」佢唯有進食自行帶備嘅餅乾同跟餐嘅水果，結果「強逼瘦身！」離營時瘦咗幾公斤。
Kelly Chu
市民陳小姐早前被列為變種病毒確診人士嘅密切接觸者，入竹篙灣檢疫中心隔離二十一天，入去前已有心理準備食物好差，點知超乎想像，「無諗過難食到咁」，番茄意大利麵係無汁、無鹽、無油的「無添加」白烚意粉，「都有幾粒好細嘅番茄，無違反《商品說明條例》」，大部份肉類一陣濃烈嘅雪藏味，疑係急凍存放多年嘅「殭屍肉」，應該冇將肉類「飛水」除去雪藏味，「唔知呢位廚師敢唔敢食自己煮嘅嘢？」
仲離譜嘅係，陳小姐指某天收到好像曾經被老鼠偷吃、爆殼兼且甩掉部份蛋白的水煮雞蛋。至於蔬菜，一日三餐係白烚椰菜同紅蘿蔔，「食到厭，監獄都會換下菜單卦！」佢唯有進食自行帶備嘅餅乾同跟餐嘅水果，結果「強逼瘦身！」離營時瘦咗幾公斤。
Kelly Chu
最Hit
前TVB金牌司儀歎LV大餐與名牌金字塔合照 曾住徙置區為胡楓打工 再婚做貴婦住半山
2024-12-15 09:00
中年好聲音3丨取代伍仲衡人選大公開？最新評審陣容曝光 靚聲王與才子加入
2024-12-15 16:05
更多文章
