Executive日記——旅發局fb吸引動作巨星留言 尚格雲頓高呼掛住香港！
KellyChu
2021-08-09 04:17 HKT
字體大小
疫情下，Kelly同大家暫時無得外遊，好掛住外地嘅風光。外地嘅旅客亦一樣，暫時難以訪港，佢哋亦好掛住香港。Kelly發現，連荷里活動作巨星尚格雲頓（Jean-Claude Van Damme）都話好掛住香港，佢喺旅發局嘅fb專頁Discover Hong Kong上留言，話「I miss Hong Kong」。小妹將呢個發現通知旅發局嘅朋友，佢話局方上下都勁開心，話會繼續透過社交平台發帖，持續推介香港，為未來迎接旅客重來，做好準備。
旅發局fb吸引尚格雲頓留言嘅發帖，係一則分享電車剛榮獲健力士世界紀錄，成為「最大都市服務的雙層電車車隊」，反映電車係香港嘅獨特風景，深受旅客嘅喜愛。估唔到呢個發帖連尚格雲頓亦有留言，佢直言十分掛住香港，仲配上心心圖案。
呢位嚟自比利時嘅國際巨星，喺荷里活闖出名堂，一直同香港結下不解之緣。早喺一九八八年，佢主演嘅成名作《拳霸天下》（Bloodsport）就係喺九龍城寨等地方取景。
多年來，佢不時來港拍戲，期間忙裏偷閒，四處遊覽，試過去旺角篤魚蛋，品嚐地道嘅美食。至於電車，尚格雲頓當然也有留下足跡，翻查資料，佢曾經喺電車上拍戲取景，難怪佢對旅發局嘅帖文有特別嘅感覺啦。
尚格雲頓可以話係半個香港人，早年已經喺香港置業，視香港為佢嘅第二個家。佢不時來港居住同拍戲之外，仲喜歡同香港嘅電影導演合作，佢對香港有一份特別嘅情懷！
Kelly Chu
■《拳霸天下》當年就係喺香港同九龍取景。
旅發局fb吸引尚格雲頓留言嘅發帖，係一則分享電車剛榮獲健力士世界紀錄，成為「最大都市服務的雙層電車車隊」，反映電車係香港嘅獨特風景，深受旅客嘅喜愛。估唔到呢個發帖連尚格雲頓亦有留言，佢直言十分掛住香港，仲配上心心圖案。
呢位嚟自比利時嘅國際巨星，喺荷里活闖出名堂，一直同香港結下不解之緣。早喺一九八八年，佢主演嘅成名作《拳霸天下》（Bloodsport）就係喺九龍城寨等地方取景。
多年來，佢不時來港拍戲，期間忙裏偷閒，四處遊覽，試過去旺角篤魚蛋，品嚐地道嘅美食。至於電車，尚格雲頓當然也有留下足跡，翻查資料，佢曾經喺電車上拍戲取景，難怪佢對旅發局嘅帖文有特別嘅感覺啦。
尚格雲頓可以話係半個香港人，早年已經喺香港置業，視香港為佢嘅第二個家。佢不時來港居住同拍戲之外，仲喜歡同香港嘅電影導演合作，佢對香港有一份特別嘅情懷！
Kelly Chu
更多文章
