Executive日記——TVB神回應改為「34+N歲」 撐牛下女車神 港姐參選年齡放寬？
KellyChu
2021-08-10 04:17 HKT
字體大小
「牛下女車神」李慧詩喺奧運會幾經艱辛，奪得一面爭先賽嘅銅牌，佢賽後接受訪問時，一名記者提到佢今年三十四歲，牛下女神回應，幽記者一默，話唔明傳媒點解成日提佢歲數，跟住話「我下年先無得選港姐！」此言一出，TVB即時有搞吓笑，將多年未改嘅港姐參選年齡限制大放寬，改為「34+N歲」，仲希望下年有機會見到李慧詩O添，好多網民大讚「小編好可愛」。
現年三十四歲李慧詩話，自己無太在意自己嘅年齡，但傳媒經常提及，佢都好幽默咁回應傳媒提問︰「歲數唔係咁重要，我又唔係選港姐，港姐到三十五歲仲可以選，我下年無得選港姐。」其實女車神係寸番個記者轉頭，查實港姐參賽規定，一直係要求「未滿二十八歲」先可報名，比三十五歲低好多，相信牛下女車神係有心玩個記者。
不過，牛下女車神此言一出，每年負責港姐嘅TVB娛樂新聞台即刻「神回應」，喺網頁以將參賽港姐條款中嘅「未滿28歲」用黑線條遮咗，喺旁邊用黑框圈住「34+N歲」，慌死大家睇唔到，仲強調「TVB有絕對權決定豁免及/或放寬上述任何條件」，呢次牛下女車神可以幾時都參選港姐啦。
小妹翻查資料發現，港姐自一○年起，就上調參賽年齡至二十七歲，歷年獲三甲參賽者中，年齡最高嘅係一六年季軍陳雅思，佢當年二十七歲。
Kelly Chu
現年三十四歲李慧詩話，自己無太在意自己嘅年齡，但傳媒經常提及，佢都好幽默咁回應傳媒提問︰「歲數唔係咁重要，我又唔係選港姐，港姐到三十五歲仲可以選，我下年無得選港姐。」其實女車神係寸番個記者轉頭，查實港姐參賽規定，一直係要求「未滿二十八歲」先可報名，比三十五歲低好多，相信牛下女車神係有心玩個記者。
不過，牛下女車神此言一出，每年負責港姐嘅TVB娛樂新聞台即刻「神回應」，喺網頁以將參賽港姐條款中嘅「未滿28歲」用黑線條遮咗，喺旁邊用黑框圈住「34+N歲」，慌死大家睇唔到，仲強調「TVB有絕對權決定豁免及/或放寬上述任何條件」，呢次牛下女車神可以幾時都參選港姐啦。
小妹翻查資料發現，港姐自一○年起，就上調參賽年齡至二十七歲，歷年獲三甲參賽者中，年齡最高嘅係一六年季軍陳雅思，佢當年二十七歲。
Kelly Chu
最Hit
居深圳美國人遊港呻「巔峰期已過」 城市擁擠/服務態度冷漠 惟對1地方讚不絕口：城市中的一片淨土
2025-04-29 17:48 HKT
深圳K11 ECOAST開始試業！23萬平方米空間曝光 港深直通巴/地鐵/搭船直達（附交通/商舖/食肆詳情）
2025-04-29 18:10 HKT
移英女星嘆娛圈婚姻多數是悲劇？與老公炒大鑊街頭對峙逾10分鐘 早被朋友叮囑去外地生活拗撬爆燈
2025-04-29 19:00 HKT
更多文章
