Executive日記——亞博館《狗狗夏日玩樂展》 汪汪主人 消暑玩餐飽
KellyChu
2021-08-14 04:18
字體大小
唔少主人喺炎炎夏日，都覺帶毛孩去「放電」嘅好去處選擇唔多，清涼舒適嘅室內場所更少有。亞洲國際博覽館噚日起至周日（十五日）舉辦全港首個大型室內《狗狗夏日玩樂展》，佔地約十一萬方呎、以往舉行大型演唱會嘅場地Arena，變身成狗狗同主人嘅消暑遊樂場，Kelly都覺得好吸引值得一去。
亞洲國際博覽館行政總裁陳芳盈指亞博館日前首次舉辦公展會購物節，市民同參展商反應熱烈，再接再厲舉辦《狗狗夏日玩樂展》，以夏威夷熱帶風情為主題，場內有多個首次亮相嘅人狗大型娛樂設施，例如人造沙池「汪沙圍牆」，超過三千方呎嘅沙池鋪滿人造沙，備有多款玩樂設施如山丘、平衡木、搖搖板等，主人同狗狗可以放心奔跑嬉戲，會場亦有多個打卡位。佢仲話亞博未來數月將有多個精采公眾活動陸續登場。
活動主辦機構鳳凰展翼會將活動部份收益撥捐受惠機構愛護動物協會，推動「領養不棄養」，改善動物福祉，喺噚日嘅開幕禮，愛協會長傅明憲希望主人同毛孩一齊創造美好回憶之餘，又為慈善出一分力。
Kelly Chu
亞洲國際博覽館行政總裁陳芳盈指亞博館日前首次舉辦公展會購物節，市民同參展商反應熱烈，再接再厲舉辦《狗狗夏日玩樂展》，以夏威夷熱帶風情為主題，場內有多個首次亮相嘅人狗大型娛樂設施，例如人造沙池「汪沙圍牆」，超過三千方呎嘅沙池鋪滿人造沙，備有多款玩樂設施如山丘、平衡木、搖搖板等，主人同狗狗可以放心奔跑嬉戲，會場亦有多個打卡位。佢仲話亞博未來數月將有多個精采公眾活動陸續登場。
活動主辦機構鳳凰展翼會將活動部份收益撥捐受惠機構愛護動物協會，推動「領養不棄養」，改善動物福祉，喺噚日嘅開幕禮，愛協會長傅明憲希望主人同毛孩一齊創造美好回憶之餘，又為慈善出一分力。
Kelly Chu
最Hit
更多文章
