Executive日記——東奧奪兩銀 獲恒基獎500萬 「鬼妹仔」何詩蓓 愛雞蛋仔多過漢堡包
KellyChu
2021-08-19 12:01
字體大小
東京奧運勇奪兩銀的「女飛魚」何詩蓓，昨日出席恒基嘅頒獎禮，領取合共五百萬嘅獎金。佢同大家玩快問快答，披露佢係一個好實際嘅人，比起破世界紀錄，佢更想保留一世嘅奧運金牌，因為紀錄始終有人會打破，金牌在手，就一生一世。「鬼妹仔」面孔嘅佢，原來鍾意食雞蛋仔同埋格仔餅多過漢堡包。大家下次見到何詩蓓，記得話佢知邊到嘅雞蛋仔最好味！
作為泳手，何詩蓓對打破世界紀錄嘅興趣唔大，因為日後亦有人游得更快，所以佢想要一面奧運金牌，天長地久地保存。
被問到如果要揀五十歲游九屆奧運先拎第一個金牌，定喺三十歲連贏三屆奪銀牌後退休，佢話會揀三十歲連贏後退休，因為自己仲有好多嘢想做。何詩蓓仲透露，呢個星期後就會去歐洲訓練，努力備戰嚟緊嘅國際賽。
同時，何詩蓓都有教大家讀佢英文名（Siobhan Bernadette Haughey），發音大概喺「詩旁．蓓尼迪．何希」，因為喺愛爾蘭名字，所以唔喺讀成蕭邦呀。大家學識後，下次見到佢，用正確發音叫佢呀！
恒基地產舉行「精英運動員嘉許計劃」頒獎禮，向港將健兒頒發合共逾一千九百三十七萬元獎金，其中空手道項目摘銅的劉慕裳，獲得一百二十五萬元，乒乓女團收穫銅牌的李皓晴、杜凱琹及蘇慧音獲得二百五十萬元，其他打入八強的運動員，亦分別獲得三十多萬至一百二十五萬元不等。
Kelly Chu
■恒基舉行「精英運動員嘉許計劃」頒獎禮。
作為泳手，何詩蓓對打破世界紀錄嘅興趣唔大，因為日後亦有人游得更快，所以佢想要一面奧運金牌，天長地久地保存。
被問到如果要揀五十歲游九屆奧運先拎第一個金牌，定喺三十歲連贏三屆奪銀牌後退休，佢話會揀三十歲連贏後退休，因為自己仲有好多嘢想做。何詩蓓仲透露，呢個星期後就會去歐洲訓練，努力備戰嚟緊嘅國際賽。
同時，何詩蓓都有教大家讀佢英文名（Siobhan Bernadette Haughey），發音大概喺「詩旁．蓓尼迪．何希」，因為喺愛爾蘭名字，所以唔喺讀成蕭邦呀。大家學識後，下次見到佢，用正確發音叫佢呀！
恒基地產舉行「精英運動員嘉許計劃」頒獎禮，向港將健兒頒發合共逾一千九百三十七萬元獎金，其中空手道項目摘銅的劉慕裳，獲得一百二十五萬元，乒乓女團收穫銅牌的李皓晴、杜凱琹及蘇慧音獲得二百五十萬元，其他打入八強的運動員，亦分別獲得三十多萬至一百二十五萬元不等。
Kelly Chu
更多文章
