Executive日記——200年首位華人得主 血漿DNA診斷獲肯定 中大醫學院盧煜明 榮獲生物學「皇家獎章」
KellyChu
2021-08-25 04:18 HKT
字體大小
香港人真係好叻，噚日英國皇家學會公佈二○二一年「皇家獎章」嘅得主，中文大學醫學院盧煜明教授獲頒生物學科「皇家獎章」，係呢個獎項成立近二百年以來首位華人得獎者，表揚佢憑藉血漿DNA診斷技術，開創「無創產前診斷」方法同早診斷唐氏綜合症與多種遺傳病嘅革命性成就。Kelly記得，盧教授兩度喺星島新聞集團舉辦嘅「傑出領袖選舉」中獲獎，一次喺二○○○年嘅「科研組別獎」，另一次喺二○一八年嘅「工商／金融組別獎」，成就備受肯定。
有「無創產前檢測之父」之稱嘅盧煜明教授，現為中大醫學院副院長（研究）、化學病理學系系主任同李嘉誠健康科學研究所所長。佢喺一九九七年加入中大，同年發表孕婦嘅血漿內存有高濃度嘅胎兒DNA。盧教授同佢嘅團隊其後研發了唐氏綜合症嘅無創檢測方法，成功將以DNA分析為本嘅「無創性產前診斷技術」，從科學研究層面應用至臨牀診斷，已被全球數十個國家採用，每年數以百萬計孕婦受惠。此外，盧教授嘅團隊透過大型平行測序技術同創新嘅生物信息科技，分析母體血漿中的微量 DNA，成功破解了胎兒嘅全基因組圖譜，從而可以及早預測多種遺傳病。
有機會問鼎諾獎
「皇家獎章」係英國皇家學會最負盛名嘅獎項之一，創立於一八二五年。每年有兩枚獎章分別授予喺物理同生物學科領域對 「自然知識 」嘅進步做出最重要貢獻嘅人。歷史上只有四百幾人獲此殊榮，包括提出「進化論」嘅達爾文。此外，自諾貝爾獎喺一九○一年成立以來，大約有五分一「皇家獎章」得獎人先後會成為諾貝爾獎得主。Kelly預祝盧教授再下一城，攞埋諾貝爾獎，為港爭光。
Kelly Chu
有「無創產前檢測之父」之稱嘅盧煜明教授，現為中大醫學院副院長（研究）、化學病理學系系主任同李嘉誠健康科學研究所所長。佢喺一九九七年加入中大，同年發表孕婦嘅血漿內存有高濃度嘅胎兒DNA。盧教授同佢嘅團隊其後研發了唐氏綜合症嘅無創檢測方法，成功將以DNA分析為本嘅「無創性產前診斷技術」，從科學研究層面應用至臨牀診斷，已被全球數十個國家採用，每年數以百萬計孕婦受惠。此外，盧教授嘅團隊透過大型平行測序技術同創新嘅生物信息科技，分析母體血漿中的微量 DNA，成功破解了胎兒嘅全基因組圖譜，從而可以及早預測多種遺傳病。
有機會問鼎諾獎
「皇家獎章」係英國皇家學會最負盛名嘅獎項之一，創立於一八二五年。每年有兩枚獎章分別授予喺物理同生物學科領域對 「自然知識 」嘅進步做出最重要貢獻嘅人。歷史上只有四百幾人獲此殊榮，包括提出「進化論」嘅達爾文。此外，自諾貝爾獎喺一九○一年成立以來，大約有五分一「皇家獎章」得獎人先後會成為諾貝爾獎得主。Kelly預祝盧教授再下一城，攞埋諾貝爾獎，為港爭光。
Kelly Chu
最Hit
前港姐冠軍獲身家逾15億「舖王」父親買樓當禮物？富爸爸罕現身 貼地陪睇示範單位
2025-04-18 14:00 HKT
連鎖快餐店大快活3大復活節假限定優惠！早餐免費通粉／午晚市送特飲／下午茶$12/2份小食
2025-04-19 12:09 HKT
71歲前港姐冠軍老公唏噓發文 大嘆「愛情需分開就當美夢一塲」 結婚逾廿年擁過百億家族生意
2025-04-18 19:00 HKT
更多文章
