Executive日記——中環街市美食多籮籮 香脆雞蛋仔即叫即整
KellyChu
2021-08-27 04:19
字體大小
等咗好多年，中環街市活化重開，好多人為咗睇昔日嘅建築，或者緬懷何藩大師嘅攝影，來重遊舊地，但為食嘅Kelly就去搵食啦，昨午到埗，嘩！人山人海，大小食店都爆滿。小妹調整策略，實行掃街，發現美食多籮籮，有媽咪雞蛋仔、超羣嘅彩虹蛋糕、如心酒店嘅超好味蝴蝶酥。
中環街市重開幾日，唔單止吸引中環OL，各區市民都來打卡，仲發覺呢個佔地三層共十二萬呎嘅新場，有成過百間零售店同食肆。Kelly最為食，發現選擇多不勝數，有香港地道嘅粉麵檔、樽仔奶茶、杏仁茶等，更有新派之作，其中獲米之蓮嘅街頭小食不少，好似媽咪雞蛋仔同格仔餅，口味超過二十款，款款即叫即整，好香脆可口呀！
1966烘焙聯盟係超羣餅店旗下嘅品牌，專賣傳統同新派撻，好似抹茶流心撻、朱古力流心撻等，仲有好出名嘅冬甩鬆餅，不過最吸引小妹眼球嘅係彩虹蛋糕，顏色鮮艷，靚都唔捨得食。仲有如心酒店嘅蝴蝶酥，係我心目中最正嘅本地製作，只係估唔到佢哋嘅拿破崙同其他甜品都正到無話可說。
據中環街市管理人員介紹，食有好多選擇外，仲有好多本地商品，包括傳統老店、港人設計潮物、香港品牌、環保用品等，希望推廣「香港製造」，實體做法，係管理部門會負責舖位所有設備用牌照申請，等啲租戶拉個篋來，貨品上架就可以做生意，租約期可以短至六個月，等啲後生仔嘗試創業，真係好有心。
Kelly Chu
■如心酒店甜點好吸引！
中環街市重開幾日，唔單止吸引中環OL，各區市民都來打卡，仲發覺呢個佔地三層共十二萬呎嘅新場，有成過百間零售店同食肆。Kelly最為食，發現選擇多不勝數，有香港地道嘅粉麵檔、樽仔奶茶、杏仁茶等，更有新派之作，其中獲米之蓮嘅街頭小食不少，好似媽咪雞蛋仔同格仔餅，口味超過二十款，款款即叫即整，好香脆可口呀！
1966烘焙聯盟係超羣餅店旗下嘅品牌，專賣傳統同新派撻，好似抹茶流心撻、朱古力流心撻等，仲有好出名嘅冬甩鬆餅，不過最吸引小妹眼球嘅係彩虹蛋糕，顏色鮮艷，靚都唔捨得食。仲有如心酒店嘅蝴蝶酥，係我心目中最正嘅本地製作，只係估唔到佢哋嘅拿破崙同其他甜品都正到無話可說。
據中環街市管理人員介紹，食有好多選擇外，仲有好多本地商品，包括傳統老店、港人設計潮物、香港品牌、環保用品等，希望推廣「香港製造」，實體做法，係管理部門會負責舖位所有設備用牌照申請，等啲租戶拉個篋來，貨品上架就可以做生意，租約期可以短至六個月，等啲後生仔嘗試創業，真係好有心。
Kelly Chu
最Hit
綠綠賞積分｜綠在區區／廚餘回收賺分換領4大獎賞：免費餐飲券/港鐵車程/超市現金券/糧油食品(附積分兌換表)
2024-11-27 12:47
將軍澳一家3口食$79霸王餐 店家一原因拒「開樣」籲「返嚟畀返錢」最新情況是...｜Juicy叮
2024-11-27 12:55
更多文章
