Executive日記——昂坪市集親子新趣味 大鸚鵡小丑帶小朋友賞大自然
KellyChu
2021-10-15 04:19
字體大小
「圓規」走咗，風雨退下，昂坪市集出現咗一個奇景，飛嚟一隻好大好大嘅鸚鵡，佢身上七彩繽紛嘅羽毛，吸引成班小朋友同佢一齊玩！原來呢隻大鸚鵡同小丑搭昂坪360纜車上咗市集，欣賞大自然嘅風光，仲好開心同小朋友一齊觀賞大自然美景咁話。
呢隻大鸚鵡，有成六七呎咁高，同小丑上到昂坪市場取景畫畫，仲見到周圍有由藝術家畫嘅壁畫，全部都以大自然為主題，啱晒呢兩個大自然愛好者。小朋友見到大鸚鵡同小丑，個個都好開心，爭住同佢哋玩，又影相留念，家長見到都笑逐顏開。
大鸚鵡同小丑唔係淨係掛住畫畫咁簡單，佢哋仲帶小朋友喺昂坪市集走一圈，欣賞大自然嘅生態，仲講吓大自然嘅故事。參與呢次戶外活動嘅木偶藝術表演家阿Ben話，好開心同昂坪360纜車合作，同小朋友訪客一起喺風景好靚嘅昂坪市集欣賞動植物。佢仲話，為咗增加趣味性，佢喺嚟緊嘅八個周六同周日，每日中午十二點同下午兩點會喺市集等大家，仲會加演雜耍，咁家長同小朋友就要留意啦。
Kelly Chu
■大鸚鵡同小丑唔係淨係掛住畫畫，佢哋仲會講吓古仔。
呢隻大鸚鵡，有成六七呎咁高，同小丑上到昂坪市場取景畫畫，仲見到周圍有由藝術家畫嘅壁畫，全部都以大自然為主題，啱晒呢兩個大自然愛好者。小朋友見到大鸚鵡同小丑，個個都好開心，爭住同佢哋玩，又影相留念，家長見到都笑逐顏開。
大鸚鵡同小丑唔係淨係掛住畫畫咁簡單，佢哋仲帶小朋友喺昂坪市集走一圈，欣賞大自然嘅生態，仲講吓大自然嘅故事。參與呢次戶外活動嘅木偶藝術表演家阿Ben話，好開心同昂坪360纜車合作，同小朋友訪客一起喺風景好靚嘅昂坪市集欣賞動植物。佢仲話，為咗增加趣味性，佢喺嚟緊嘅八個周六同周日，每日中午十二點同下午兩點會喺市集等大家，仲會加演雜耍，咁家長同小朋友就要留意啦。
Kelly Chu
更多文章
