Executive日記——籲參加海洋公園「森度遊」 江旻憓練瑜伽 追求內心平靜
KellyChu
2021-11-04 04:52
字體大小
海洋公園昨天宣佈再推「森度遊」，包括「森動瑜伽」、「秘行南朗山」等活動，俾參加者喺大自然環境下多做運動。香港劍擊隊重劍女將江旻憓大讚活動好有意義，佢仲話近年做瑜伽克服咗雙膝十字韌帶傷患，所以呼籲大家入園感受瑜伽嘅魅力。
兩名出戰過東京奧運嘅運動員，劍后江旻憓同泳將譚凱琳現身海洋公園森度遊發佈會，分享運動嘅樂趣。江旻憓係瑜伽愛好者，不時喺網上分享瑜伽心得，佢對「森動瑜伽」與別不同嘅瑜伽場地深表期待：「我好希望嘗試喺『海洋奇觀』做瑜伽同冥想，相信喺大量魚兒陪伴下更易投入。」呢位前世界一姐近年跨過雙膝十字韌帶重創嘅陰霾，原來係練瑜伽，「瑜伽幫助我增強肌肉，仲讓我懂得如何恰當地發力，更有助達至內心寧靜，從而平復練習或比賽的緊張節奏，重拾身心健康。」她呼籲市民不妨參與活動，一嘗喺海洋公園做瑜伽嘅滋味。
平日喜歡行山嘅譚凱琳就期待秘行南朗山活動，享受大自然環境、欣賞南區獨有景色。佢話：「行山對我來說是減壓良方，能紓緩身體肌肉、尋覓心靈健康，為之後的游泳練習作準備。」譚凱琳九月喺本地短池分齡賽取得十二月短池世界錦標賽女子五十米自由泳資格，佢揚言要在世錦賽突破個人最佳時間並晉身準決賽。
Kelly Chu
■海洋公園再推「森度遊」，包括「森動瑜伽」活動。
兩名出戰過東京奧運嘅運動員，劍后江旻憓同泳將譚凱琳現身海洋公園森度遊發佈會，分享運動嘅樂趣。江旻憓係瑜伽愛好者，不時喺網上分享瑜伽心得，佢對「森動瑜伽」與別不同嘅瑜伽場地深表期待：「我好希望嘗試喺『海洋奇觀』做瑜伽同冥想，相信喺大量魚兒陪伴下更易投入。」呢位前世界一姐近年跨過雙膝十字韌帶重創嘅陰霾，原來係練瑜伽，「瑜伽幫助我增強肌肉，仲讓我懂得如何恰當地發力，更有助達至內心寧靜，從而平復練習或比賽的緊張節奏，重拾身心健康。」她呼籲市民不妨參與活動，一嘗喺海洋公園做瑜伽嘅滋味。
平日喜歡行山嘅譚凱琳就期待秘行南朗山活動，享受大自然環境、欣賞南區獨有景色。佢話：「行山對我來說是減壓良方，能紓緩身體肌肉、尋覓心靈健康，為之後的游泳練習作準備。」譚凱琳九月喺本地短池分齡賽取得十二月短池世界錦標賽女子五十米自由泳資格，佢揚言要在世錦賽突破個人最佳時間並晉身準決賽。
Kelly Chu
更多文章
