Executive日記——完成「願望成真基金」主席任期後感言 蔡少綿為病童圓夢：自己得到更多
KellyChu
2021-11-05 04:18
字體大小
「當你以為幫緊人，其實自己得到更多。」係蔡少綿（Linda）完成「願望成真基金」主席任期後嘅感言。喺疫情下，佢形容過去三年係「非一般」嘅任期，慶幸嘅係，基金團隊靈活應變，疫情期間致力為身患重病的小朋友圓夢，為佢哋同家人打氣，積極面對治療。Kelly相信Linda付出過後，獲得好多難忘嘅「感動回憶」。Linda服務「願望成真基金」董事會合共六年，三年前出任主席，係首位並非來自醫學界嘅主席。無人估到疫情長達兩年，不論幫病童實現願望嘅工作或籌款都受到影響，但佢話：「團隊嘅熱誠並沒有被疫情擊退，克服咗重重困難，幫病童圓夢，並透過線上、線下結合服務病童、家人同醫護人員。早前舉辦網上派對，九十多名病童同義工參與，佢哋喺屋企對住電腦，笑聲滿載，熱鬧歡欣。」
Linda話，好多謝沿途有好多支持者，好似有消防局動員幫小朋友實現做救火英雄嘅願望、迪士尼隆重推出由小朋友參與設計嘅限量版手鏈籌款、仲有暖男藝人到病童家中一起過咗一個溫馨嘅下午，「大家無私伸出援手，令人感到香港係一個好溫暖嘅地方。」
願望成真基金會員大會前日通過，由迪士尼樂園傳訊及公共事務副總裁黎珮珊接替Linda，出任新主席。Linda話︰「看着小朋友專心致志一往無前的與重病搏鬥，過程中願望如何燃點佢哋嘅信心，其實自己學習到好多，亦得到好多啟發 ……當你以為幫緊人，其實自己得到更多。」
Kelly Chu
■願望成真基金與香港洲際酒店聯手，為一眾小朋友和他們家人舉辦新春願望聯歡會。
Linda話，好多謝沿途有好多支持者，好似有消防局動員幫小朋友實現做救火英雄嘅願望、迪士尼隆重推出由小朋友參與設計嘅限量版手鏈籌款、仲有暖男藝人到病童家中一起過咗一個溫馨嘅下午，「大家無私伸出援手，令人感到香港係一個好溫暖嘅地方。」
願望成真基金會員大會前日通過，由迪士尼樂園傳訊及公共事務副總裁黎珮珊接替Linda，出任新主席。Linda話︰「看着小朋友專心致志一往無前的與重病搏鬥，過程中願望如何燃點佢哋嘅信心，其實自己學習到好多，亦得到好多啟發 ……當你以為幫緊人，其實自己得到更多。」
Kelly Chu
最Hit
更多文章
