Executive日記——18星級中廚Omakase 美酒佳餚全城熱捧
KellyChu
2021-11-09 09:32
字體大小
美酒佳餚節復辦，Kelly同一眾美食、品酒KOL不知幾開心，一齊去撐。今年旅發局首創全城十八位名廚「中菜Omakase」，大家柴娃娃先去卅二公館找星級大廚李文星，由佢精選時令食材入饌，加上配酒，人人盡興。聽講「中菜發辦」呢條橋好受食客歡迎，訂位理想。
正值大閘蟹當造，李文星師傅炮製蟹斗焗魚米同蟹粉葱油麵，查小欣同Cally Tong大讚好味，李師傅見兩個熟客咁開心，即時加送兩碟特色小食，分別係啫喱蟹肉絲同牛肉絲，小妹真有食福。有美食當然要有靚酒，席上二紅一百，酒評人黃詩詩詳細介紹產地、葡萄、酒香、酒體等，如數家珍，Kelly學到唔少嘢。播音王子郭志仁對品酒好有心得，小妹當然趁機向佢請教請教啦！
食飽，大家起動，下一個節目「遊酒香港自助行」，只要買一張電子品味通行證，就可以去五十間名店任選靚酒。一行人先去PMQ嘅Sake Central，飲完花香醉人嘅米酒，見個場咁靚，即刻同旅發局活動搞手包括Cynthia、Alice同Janet打卡留念，慶賀美酒佳餚節復辦，俾公眾開開心心參與，過一個快樂嘅十一月。其後去H CODE大廈地下嘅Tell Camellia歎特色雞美酒，款款特別，小妹試咗意大利果仁配松露gin，別處所無，個場又好靚，真係要同朋友再來舉杯暢飲，獎賞自己一年來嘅辛勞先得。
Kelly Chu
■一眾美食、品酒KOL去卅二公館，試試李文星大廚嘅發辦套餐。
正值大閘蟹當造，李文星師傅炮製蟹斗焗魚米同蟹粉葱油麵，查小欣同Cally Tong大讚好味，李師傅見兩個熟客咁開心，即時加送兩碟特色小食，分別係啫喱蟹肉絲同牛肉絲，小妹真有食福。有美食當然要有靚酒，席上二紅一百，酒評人黃詩詩詳細介紹產地、葡萄、酒香、酒體等，如數家珍，Kelly學到唔少嘢。播音王子郭志仁對品酒好有心得，小妹當然趁機向佢請教請教啦！
食飽，大家起動，下一個節目「遊酒香港自助行」，只要買一張電子品味通行證，就可以去五十間名店任選靚酒。一行人先去PMQ嘅Sake Central，飲完花香醉人嘅米酒，見個場咁靚，即刻同旅發局活動搞手包括Cynthia、Alice同Janet打卡留念，慶賀美酒佳餚節復辦，俾公眾開開心心參與，過一個快樂嘅十一月。其後去H CODE大廈地下嘅Tell Camellia歎特色雞美酒，款款特別，小妹試咗意大利果仁配松露gin，別處所無，個場又好靚，真係要同朋友再來舉杯暢飲，獎賞自己一年來嘅辛勞先得。
Kelly Chu
更多文章
