Executive日記｜行山遇孔雀 震撼眼球 - KellyChu
KellyChu
2022-02-26 00:00
字體大小
想睇孔雀一般都要喺動物園或農莊，但如果行山突然見到佢哋蹤影，都幾震撼。有人喺網上放相，指喺大帽山行山時，好彩見到兩隻孔雀。有觀鳥會朋友同Kelly講，香港唔會有野生孔雀出現，呢種外來物種可能被人棄養，而咁大隻，見到應敬而遠之。
有人喺網上話，前日喺大帽山行山，山頂位置遇見兩隻孔雀，呢對孔雀情侶內自由自在行走。根據網上圖片，其中一隻毛色鮮艷，尾部有修長嘅尾上覆羽，應是雄性孔雀，相信開屏時都幾奪目，另一隻是雌性孔雀。唔少行山友爭相拍攝，但孔雀似乎唔驚人噃。上個月都有行山人士喺元朗大棠谷遇到一隻孔雀，事主望見孔雀開屏更興奮拍片。
香港觀鳥會保育主任黃雪媚同Kelly講，孔雀係外來物種，相信被人棄養，佢哋係雜食性，應有能力自行捕食到小動物。雖然唔少人可能會覺得好彩才偶遇孔雀，但由於咁大隻，見到都應敬而遠之，最好通知漁護署相關地點，搵專業人士帶走呢款稀客，仲話台灣近年發現大量棄養孔雀，對生態造成破壞，以免香港重蹈覆轍。
Kelly Chu
有人喺網上話，前日喺大帽山行山，山頂位置遇見兩隻孔雀，呢對孔雀情侶內自由自在行走。根據網上圖片，其中一隻毛色鮮艷，尾部有修長嘅尾上覆羽，應是雄性孔雀，相信開屏時都幾奪目，另一隻是雌性孔雀。唔少行山友爭相拍攝，但孔雀似乎唔驚人噃。上個月都有行山人士喺元朗大棠谷遇到一隻孔雀，事主望見孔雀開屏更興奮拍片。
香港觀鳥會保育主任黃雪媚同Kelly講，孔雀係外來物種，相信被人棄養，佢哋係雜食性，應有能力自行捕食到小動物。雖然唔少人可能會覺得好彩才偶遇孔雀，但由於咁大隻，見到都應敬而遠之，最好通知漁護署相關地點，搵專業人士帶走呢款稀客，仲話台灣近年發現大量棄養孔雀，對生態造成破壞，以免香港重蹈覆轍。
Kelly Chu
更多文章
