曾智華 - 恆仔的櫻花信玄餅｜祿祿無窮
曾智華
2022-07-11 00:00
字體大小
上周六早上，攞車到九龍灣原廠Check，職員話兩小時搞掂。點消磨呢？
有嘞，立即去肥韜間大榮華歎茶也可。
飛的去，咦喂，乜換咗招牌？既來之則食之。早上十點開門，冇乜人，正！悠悠閒攤開報紙，點咗必食的蝦餃燒賣腸粉及錦鹵雲吞。
在毫無特別要求下，略有驚喜噃，全部點心皆高水準。於是，向身邊的肥妹老婆講：「正嘞，以後多一處地方歎茶。工廠區，星期六，夠靜侷，又有停車場，收費街坊水平，今日一個好發現！」
歎歎吓，經理埋嚟話：「碌Sir，點心師傅想畀個甜品櫻花信玄餅你試試問意見！」
「我可以試，但錢照畀！」此乃個人原則，絕不接受「免費午餐」。小弟喜歡舖舖清，好就讚，唔好，以後拜拜，江湖兩相忘，絕不欠人情。
結果，甜品奉上，非常精緻，由一個日式玻璃器皿盛上。打開，嘩，好鬼靚（見圖），真係唔多捨得食，擺明廚師花咗不少心思，似藝術品多過似食品。
試啖先，微甜冰涼，口感相當好。
此時，有一穿廚師制服年輕人走近：「碌Sir，我叫林智恆，恆仔，入行二十年，日本迷，好希望將點點東洋視覺美感融心中式點心中。如今正在不斷研發。一到某個水平，再通知你來打分好嗎？」
好好好，咁有誠意又有心的專業點心師傅，我一定支持，後會有期！
曾智華
有嘞，立即去肥韜間大榮華歎茶也可。
飛的去，咦喂，乜換咗招牌？既來之則食之。早上十點開門，冇乜人，正！悠悠閒攤開報紙，點咗必食的蝦餃燒賣腸粉及錦鹵雲吞。
在毫無特別要求下，略有驚喜噃，全部點心皆高水準。於是，向身邊的肥妹老婆講：「正嘞，以後多一處地方歎茶。工廠區，星期六，夠靜侷，又有停車場，收費街坊水平，今日一個好發現！」
歎歎吓，經理埋嚟話：「碌Sir，點心師傅想畀個甜品櫻花信玄餅你試試問意見！」
「我可以試，但錢照畀！」此乃個人原則，絕不接受「免費午餐」。小弟喜歡舖舖清，好就讚，唔好，以後拜拜，江湖兩相忘，絕不欠人情。
結果，甜品奉上，非常精緻，由一個日式玻璃器皿盛上。打開，嘩，好鬼靚（見圖），真係唔多捨得食，擺明廚師花咗不少心思，似藝術品多過似食品。
試啖先，微甜冰涼，口感相當好。
此時，有一穿廚師制服年輕人走近：「碌Sir，我叫林智恆，恆仔，入行二十年，日本迷，好希望將點點東洋視覺美感融心中式點心中。如今正在不斷研發。一到某個水平，再通知你來打分好嗎？」
好好好，咁有誠意又有心的專業點心師傅，我一定支持，後會有期！
曾智華
最Hit
43歲男主持佛寺剃髮出家 曾為金融才俊賠上健康 換跑道做心靈療癒師
2025-01-13 18:00
《愛回家》小角色北上風生水起 戴6位數首飾做春晚司儀 演男一上央視跨年騷
2025-01-13 14:01
61歲周星馳「富婆愛將」秘嫁億萬富豪 東莞低調食粥 一舉動被指盡現老態
2025-01-13 22:00
更多文章
