KellyChu - 網民笑稱十足十重演《少林足球》 城大女足35比0大勝科大｜Executive日記
KellyChu
2022-11-12 00:00 HKT
字體大小
香港大專體育協會(USFHK)主辦嘅各項體育比賽日前陸續舉行，而喺上星期舉行嘅女足比賽，有幾場賽果驚人，竟然出現三十五比○、二十二比○呢啲比分。有網民就講笑話，十足十重演電影《少林足球》嘅橋段。不過Kelly就覺得，好多球員落場都十分認真落力，希望佢哋就算輸波，都唔好灰心自責，下次繼續努力踢好啲就得！
上星期舉行嘅女足A組賽事中，城市大學對戰科技大學，最終城大以三十五比○大勝對手；而喺B組賽事，理工大學對戰嶺南大學，理大就以二十二比○完勝。呢兩個賽果惹嚟網民熱議，有人講笑咁話，賽果十足十重演《少林足球》四十比○大勝一幕；有市民就計下條數，話一場波九十分鐘，如果要攞三十五分，即係平均每兩分鐘就要入一波。不過亦有網民話，城大球員裏面，有兩個係傑志女足成員，所以實力差距大都好正常；亦有人鼓勵輸波嘅球員，話賽果反映球隊本身有啲問題，解決咗就好，千祈唔好自責！
依家各項大專運動比賽正陸續舉行，包括籃球、排球、手球等項目。有興趣嘅朋友，記得留意收睇，支持各位大學生運動員！
Kelly Chu
上星期舉行嘅女足A組賽事中，城市大學對戰科技大學，最終城大以三十五比○大勝對手；而喺B組賽事，理工大學對戰嶺南大學，理大就以二十二比○完勝。呢兩個賽果惹嚟網民熱議，有人講笑咁話，賽果十足十重演《少林足球》四十比○大勝一幕；有市民就計下條數，話一場波九十分鐘，如果要攞三十五分，即係平均每兩分鐘就要入一波。不過亦有網民話，城大球員裏面，有兩個係傑志女足成員，所以實力差距大都好正常；亦有人鼓勵輸波嘅球員，話賽果反映球隊本身有啲問題，解決咗就好，千祈唔好自責！
依家各項大專運動比賽正陸續舉行，包括籃球、排球、手球等項目。有興趣嘅朋友，記得留意收睇，支持各位大學生運動員！
Kelly Chu
更多文章
