KellyChu - 火龍文化館傳承非遺文化 歎好味正宗客家菜｜Executive日記
KellyChu
2023-01-06 00:00 HKT
字體大小
疫情期間，大坑嘅傳統舞火龍活動停止，但Kelly行經大坑，見到一座全新嘅「火龍文化館」，原來喺由一座三層高嘅三級歷史建築物（見上圖）改建而成，喺去年開幕，目的係承傳同推廣舞火龍呢項聯合國非物質文明遺產。小妹前日有機會入內參觀，認識咗客家人以舞火龍抗疫情嘅歷史，仲品嚐到好好味嘅客家菜。
大坑火龍文化館嘅建築特色，係採用現代主義建築風格，特色包括採用白色立方體外型、平屋頂設計，二樓設有露台。立面及窗戶排列均運用非常嚴格嘅對稱性安排。重建時喺外牆加上嘅批盪裝飾凸線、鐵製裝飾欄杆同鐵窗窗花等，都係昔年主流嘅建築風格「裝飾藝術」 （Art Deco） 嘅特徵。
Kelly入內見到好多舞火龍嘅資料，仲見到舞火龍嘅相關文物同模型。聽講，隨著新冠疫情放緩，大坑今年秋天好有機會恢復舞火龍活動。
呢次到訪火龍館，仲食到精緻嘅客家菜，館內一樓由社企開設一間叫「客廳」嘅餐廳，將非物質文化嘅精神以及傳統客家菜嘅特色，融入佈置同餐飲元素之內，前菜家鄉煎藕餅討人歡心，必定成為這裏嘅名物。欖菜酥炸龍躉球伴田園沙律，魚炸得透，十分香口，配上炸得酥脆嘅欖菜，鹹鹹哋吊出魚肉鮮味，好好吃。仲有係砵仔惠州梅菜扣肉飯，細細砵，飯量少，啱晒正在keep fit嘅Kelly，件扣肉超好味，只係梅菜唔夠多，下次提下個侍應。來火龍館，大家可以預約參加導賞活動，認識到客家人嘅習俗，仲可以食到超正嘅客家菜，真係啱晒一家大細嘅好去處。
Kelly Chu
■砵仔惠州梅菜扣肉飯，細細砵，飯量少，腩肉超好味。 
大坑火龍文化館嘅建築特色，係採用現代主義建築風格，特色包括採用白色立方體外型、平屋頂設計，二樓設有露台。立面及窗戶排列均運用非常嚴格嘅對稱性安排。重建時喺外牆加上嘅批盪裝飾凸線、鐵製裝飾欄杆同鐵窗窗花等，都係昔年主流嘅建築風格「裝飾藝術」 （Art Deco） 嘅特徵。
Kelly入內見到好多舞火龍嘅資料，仲見到舞火龍嘅相關文物同模型。聽講，隨著新冠疫情放緩，大坑今年秋天好有機會恢復舞火龍活動。
呢次到訪火龍館，仲食到精緻嘅客家菜，館內一樓由社企開設一間叫「客廳」嘅餐廳，將非物質文化嘅精神以及傳統客家菜嘅特色，融入佈置同餐飲元素之內，前菜家鄉煎藕餅討人歡心，必定成為這裏嘅名物。欖菜酥炸龍躉球伴田園沙律，魚炸得透，十分香口，配上炸得酥脆嘅欖菜，鹹鹹哋吊出魚肉鮮味，好好吃。仲有係砵仔惠州梅菜扣肉飯，細細砵，飯量少，啱晒正在keep fit嘅Kelly，件扣肉超好味，只係梅菜唔夠多，下次提下個侍應。來火龍館，大家可以預約參加導賞活動，認識到客家人嘅習俗，仲可以食到超正嘅客家菜，真係啱晒一家大細嘅好去處。
Kelly Chu
更多文章
