KellyChu - 市民踴躍取閱 分享防騙意識 30萬份《提紙》大受歡迎｜Executive日記
KellyChu
2023-02-18 00:00
字體大小
警方積極籌備下一期
去年詐騙案勁升至27923宗，為呼籲市民提防騙子，警方推出防騙刊物《提紙》，刊印嘅30萬份創刊號昨日隨《頭條日報》及《英文虎報》（The Standard），喺全港各區向市民派發，好多人踴躍取閱！大家多啲同親友講防騙訊息，咁騙徒就好難搵食。
隨《頭條》、《虎報》全港派送
創刊號《提紙》昨日隨《頭條》同《英文虎報》喺港九新界逾2000個派發點派發，網絡遍及港鐵、逾1000個屋苑、Esso油站、新渡輪碼頭，同各區上班人流熱點。喺早上返工時段，好多人排隊取閱，輕輕鬆鬆幾分鐘，就可以從《提紙》獲取最新防騙資訊同騙案手法，例如今期講述有騙徒假扮「英國領事館職員」，訛稱「網上情人」被捕，令已婚女子損失超過300萬元，情節曲折離奇，猶如拍戲。另外，《提紙》下方仲附有連鎖食肆優惠券，供市民享用。
警方就係Facebook話：「為多謝大家嘅踴躍支持，我哋正密鑼緊鼓咁準備下一期嘅『提紙』，敬請期待！」警務處處長蕭澤頤日前就話，去年詐騙案多達27923宗，升幅超過4成，涉款逾48億元。 警方希望市民睇咗《提紙》之後，銘記提防騙子之餘，同時將有關訊息向家人和身邊人分享，務求令防騙宣傳「鋪天蓋地」，盡力遏止騙案嘅發生。
Kelly Chu
去年詐騙案勁升至27923宗，為呼籲市民提防騙子，警方推出防騙刊物《提紙》，刊印嘅30萬份創刊號昨日隨《頭條日報》及《英文虎報》（The Standard），喺全港各區向市民派發，好多人踴躍取閱！大家多啲同親友講防騙訊息，咁騙徒就好難搵食。
隨《頭條》、《虎報》全港派送
創刊號《提紙》昨日隨《頭條》同《英文虎報》喺港九新界逾2000個派發點派發，網絡遍及港鐵、逾1000個屋苑、Esso油站、新渡輪碼頭，同各區上班人流熱點。喺早上返工時段，好多人排隊取閱，輕輕鬆鬆幾分鐘，就可以從《提紙》獲取最新防騙資訊同騙案手法，例如今期講述有騙徒假扮「英國領事館職員」，訛稱「網上情人」被捕，令已婚女子損失超過300萬元，情節曲折離奇，猶如拍戲。另外，《提紙》下方仲附有連鎖食肆優惠券，供市民享用。
警方就係Facebook話：「為多謝大家嘅踴躍支持，我哋正密鑼緊鼓咁準備下一期嘅『提紙』，敬請期待！」警務處處長蕭澤頤日前就話，去年詐騙案多達27923宗，升幅超過4成，涉款逾48億元。 警方希望市民睇咗《提紙》之後，銘記提防騙子之餘，同時將有關訊息向家人和身邊人分享，務求令防騙宣傳「鋪天蓋地」，盡力遏止騙案嘅發生。
Kelly Chu
更多文章
