曾智華 - 串到爆炒飯｜祿祿無窮
曾智華
2023-04-14 00:00 HKT
字體大小
為食友飯聚，大家最怕見到的是「潔癖怪」，帶埋私人火酒，乜都抹餐飽，以及「健康怪」，乜都話唔食得，呢樣塞血管，嗰樣致癌，又話乜乜物物會導致三高，樣樣走鹹走甜走油。
遇到上述兩類人，小弟一律敬而遠之，等佢哋自己物以類聚可也。我呢，道不同矣。
飲食有其文化，胡亂改動絕對壞大事。早年香港有位美食家兼紫微斗數大師，名王亭之（真名談錫永），基於有料到，充滿傲氣，對睇唔過眼的事絕不賣帳。
大師86年已移民，現居加拿大。小弟老友邱威廉乃佢弟子。某次專誠到加拿大拜訪，見證師傅在某大酒樓要求「闊佬炒飯」，即瑤柱蛋白炒飯。上枱時，呈灰白色，顯示此飯起鑊用油太少，也不勤於洗鑊，遂一言不發，拂袖而去，不及格食物，絕不入口。
王亭之廚功又如何？甚勁！尤其炒飯，創出獨門的「膽固醇炒飯」，擺明串不懂飲食文化的「健康狂」。呢味炒飯絕對「違反潮流」，用料包括龍蝦膏、蝦子、蟹子、瑤柱、蛋白、鹹蛋黃、膶腸及豬油渣。當然，要用足高質素的生油起鑊！
香港有冇得食？冇，除咗一間，一哥鮑魚那間富臨飯店。點解我知？因為上周邱威廉帶小弟去品嚐咗一碟也（圖）。
果然濃香撲鼻。怕唔怕膽固醇？你話呢？
曾智華
遇到上述兩類人，小弟一律敬而遠之，等佢哋自己物以類聚可也。我呢，道不同矣。
飲食有其文化，胡亂改動絕對壞大事。早年香港有位美食家兼紫微斗數大師，名王亭之（真名談錫永），基於有料到，充滿傲氣，對睇唔過眼的事絕不賣帳。
大師86年已移民，現居加拿大。小弟老友邱威廉乃佢弟子。某次專誠到加拿大拜訪，見證師傅在某大酒樓要求「闊佬炒飯」，即瑤柱蛋白炒飯。上枱時，呈灰白色，顯示此飯起鑊用油太少，也不勤於洗鑊，遂一言不發，拂袖而去，不及格食物，絕不入口。
王亭之廚功又如何？甚勁！尤其炒飯，創出獨門的「膽固醇炒飯」，擺明串不懂飲食文化的「健康狂」。呢味炒飯絕對「違反潮流」，用料包括龍蝦膏、蝦子、蟹子、瑤柱、蛋白、鹹蛋黃、膶腸及豬油渣。當然，要用足高質素的生油起鑊！
香港有冇得食？冇，除咗一間，一哥鮑魚那間富臨飯店。點解我知？因為上周邱威廉帶小弟去品嚐咗一碟也（圖）。
果然濃香撲鼻。怕唔怕膽固醇？你話呢？
曾智華
最Hit
香港人口高齡化 銀髮經濟成大勢所趨 香港貿發局時尚家品及家紡展 推動樂齡科技普及化
2025-04-17 17:30 HKT
稻香開業20年茶樓接連結業！這2區分店相繼離場 網民驚訝：假期要等位都執！
2025-04-24 12:13 HKT
第三屆深港澳青創大賽參賽規模創新高 星島新聞攜手三地見證灣區創意新力量
2025-04-24 09:00 HKT
TVB視帝老婆公開辛酸史 被當透明只能苦笑 「肥啲都唔得」狂執樣免影衰老公
2025-04-24 11:00 HKT
更多文章
