曾智華 - 懷舊魚翅灌湯餃｜祿祿無窮
曾智華
2023-04-28 00:00 HKT
字體大小
過去10年，基於種種原因，香港不少老字號消失。可能是下一代冇興趣接手；可能是股東或兄弟不和；可能是租金太貴捱不過疫情；可能無心戀戰⋯⋯
其中一間，我以為經已消失了的，正是「富豪飯堂」福臨門，熟客稱「福記」。
昔日在灣仔莊士敦道叱咤一時，出入者視之為身份象徵。理所當然並非草根甚至中級價錢。但能長年屹立，當然有其吸引力，正是出品絕對高質素。
近年，聞得原股東上一代拆夥，下一代也因經濟困境，出現好多問題。小弟只從小道消息得知，但既非熟客，也不太關注。
不過，上周老友S哥想傾合作，一約，就話約去福臨門。我的反應：（一）乜唔係蒸發咗咩？（二）使唔使咁重錘去「福記」啊，有咩重要嘢傾啊！
對方答曰：「碌Sir，福記俾朱太買咗，繼續做啊，九龍店搬咗去九龍灣金利豐國際中心。我係熟客，有九折，物有所值！」
好，去去去。發覺，上座全部熟客。因一睇就知非富則貴兼上晒年紀，不少坐輪椅由外傭陪同，總之追住「福記」招牌幫襯。
是日食咗叉燒腸粉、瑤柱珍珠雞及叉燒包等普通點心，冇得唔服，水準極高。尤其一隻魚翅灌湯餃（圖），收你160元，真係畀足料，茶市爆瀉，絕對有因！
曾智華
其中一間，我以為經已消失了的，正是「富豪飯堂」福臨門，熟客稱「福記」。
昔日在灣仔莊士敦道叱咤一時，出入者視之為身份象徵。理所當然並非草根甚至中級價錢。但能長年屹立，當然有其吸引力，正是出品絕對高質素。
近年，聞得原股東上一代拆夥，下一代也因經濟困境，出現好多問題。小弟只從小道消息得知，但既非熟客，也不太關注。
不過，上周老友S哥想傾合作，一約，就話約去福臨門。我的反應：（一）乜唔係蒸發咗咩？（二）使唔使咁重錘去「福記」啊，有咩重要嘢傾啊！
對方答曰：「碌Sir，福記俾朱太買咗，繼續做啊，九龍店搬咗去九龍灣金利豐國際中心。我係熟客，有九折，物有所值！」
好，去去去。發覺，上座全部熟客。因一睇就知非富則貴兼上晒年紀，不少坐輪椅由外傭陪同，總之追住「福記」招牌幫襯。
是日食咗叉燒腸粉、瑤柱珍珠雞及叉燒包等普通點心，冇得唔服，水準極高。尤其一隻魚翅灌湯餃（圖），收你160元，真係畀足料，茶市爆瀉，絕對有因！
曾智華
最Hit
香港人口高齡化 銀髮經濟成大勢所趨 香港貿發局時尚家品及家紡展 推動樂齡科技普及化
2025-04-17 17:30 HKT
稻香開業20年茶樓接連結業！這2區分店相繼離場 網民驚訝：假期要等位都執！
2025-04-24 12:13 HKT
第三屆深港澳青創大賽參賽規模創新高 星島新聞攜手三地見證灣區創意新力量
2025-04-24 09:00 HKT
TVB視帝老婆公開辛酸史 被當透明只能苦笑 「肥啲都唔得」狂執樣免影衰老公
2025-04-24 11:00 HKT
更多文章
