郭志仁 - 運輸兵｜九宮格
郭志仁
2023-07-07 00:00
字體大小
供求定律，有人願意做兵，供奉供養心儀女生，市場就繼續湧現一眾娘娘，兩者關係金句包括「收兵好過嫁人」、「我見到個袋好靚，不過好貴」、「一日係兵，一世都係兵」。最近，朋友遇到一位不相識的新晉小兵，向朋友訴苦，如何遭娘娘「騙財」。
朋友將二手洗衣機放上拍賣平台，出價的是位女生，願以300元購入。朋友只想有人把洗衣機搬走，價錢不重要，300元已喜出望外，於是跟女生約好交收日子。
交收當天，來了一位廿幾歲男士，滿面油光，不着重打扮，散發毒男氣味。朋友以為是女生的男友或親戚，豈料男生向朋友申訴，原來他今天的角色是位運輸兵。朋友：「嘩，洗衣機都幾重，你一個人嚟搬？」運輸兵：「唉，唔好提啦，我知自己係兵，但都唔好咁急通知。個女仔今朝一早打嚟，話突然有事，叫我嚟幫手收洗衣機，搞到我要請半日假。」朋友：「咁你都幾好人……」運輸兵：「好人咪俾人蝦囉！佢send完地址過嚟就算，要我自己貼錢call貨車，佢一定唔會俾返錢我啦。」朋友：「辛苦晒……咁洗衣機錢佢有冇俾你？」 運輸兵：「吓，佢連洗衣機都未俾錢？有冇搞錯呀！」
運輸兵一邊吐苦水，一邊掏錢出來，將洗衣機搬走。朋友看其背影，難免心酸。做兵是宿命，要自我覺醒才能逃脫，唯望娘娘大發慈悲，下凡好好慰勞一眾士兵，尋聲救苦，有求必應。
「白雪公主不多，認命扮矮人的有太多個，早有六個。多我這個不多，我太好心還是太傻。」梁漢文—《七友》
郭志仁
朋友將二手洗衣機放上拍賣平台，出價的是位女生，願以300元購入。朋友只想有人把洗衣機搬走，價錢不重要，300元已喜出望外，於是跟女生約好交收日子。
交收當天，來了一位廿幾歲男士，滿面油光，不着重打扮，散發毒男氣味。朋友以為是女生的男友或親戚，豈料男生向朋友申訴，原來他今天的角色是位運輸兵。朋友：「嘩，洗衣機都幾重，你一個人嚟搬？」運輸兵：「唉，唔好提啦，我知自己係兵，但都唔好咁急通知。個女仔今朝一早打嚟，話突然有事，叫我嚟幫手收洗衣機，搞到我要請半日假。」朋友：「咁你都幾好人……」運輸兵：「好人咪俾人蝦囉！佢send完地址過嚟就算，要我自己貼錢call貨車，佢一定唔會俾返錢我啦。」朋友：「辛苦晒……咁洗衣機錢佢有冇俾你？」 運輸兵：「吓，佢連洗衣機都未俾錢？有冇搞錯呀！」
運輸兵一邊吐苦水，一邊掏錢出來，將洗衣機搬走。朋友看其背影，難免心酸。做兵是宿命，要自我覺醒才能逃脫，唯望娘娘大發慈悲，下凡好好慰勞一眾士兵，尋聲救苦，有求必應。
「白雪公主不多，認命扮矮人的有太多個，早有六個。多我這個不多，我太好心還是太傻。」梁漢文—《七友》
郭志仁
更多文章
