Cally - 新城市廣場「獨角獸狂想曲」 波波池、放泡泡吸打卡家庭客｜商界講呢啲
Cally
2023-07-21 10:37
字體大小
講到夏天第一時間梗係聯想到陽光與海灘，但想去玩又唔想俾猛烈嘅陽光曬？咁就可以去新城市廣場啦！由即日起至8月20日，新城市廣場呈獻「獨角獸狂想曲」，大家可以涼住冷氣，同獨角獸喺海灘「暢泳」、一邊開沙灘派對。
商場一期3樓變身成為佔地近3,000呎嘅沙灘，穿過糖果色嘅彩虹拱門就嚟到高達5米嘅獨角獸巨型吹氣波波池，絕對係小朋友至愛。旁邊仲有另一隻巨型獨角獸泡在水池消暑，加上沙灘椅及太陽傘，令呢個「獨角獸陽光沙灘」充滿夏日氣色。另外，喺3樓戶外平台每半個鐘都會上演夢幻泡泡大放送，漫天泡泡底下，5米及2米高嘅萌萌大小獨角獸就好似去咗仙境咁。
3期3樓仲有「人魚萌獸同『游』戲」，可以見到美人魚同小獨角獸一齊玩。1期UB層嘅Play Park入面同3期2樓分別設有獨角獸主題嘅彈珠機同釣釣樂遊戲等，保證小朋友可以玩得盡興！
為配合獨角獸主題，新城市廣場聯同多個Play Park商戶特別推出多個以獨角獸為題嘅工作坊，顧客可於活動期間以獨家優惠價參加。另外，新城市廣場亦準備咗Play Park電子禮券禮遇，由7月22日起至8月31日，喺Play Park任何商戶消費滿$300，或者喺新城市廣場任何商戶消費滿$500，就可以獲得Yum Me Play或Play Park $50電子禮券1張。
Cally
更多文章
