KellyChu - 林明禎精心策劃「禎華遊」 自爆最愛茶記同坐摩天輪｜Executive日記
KellyChu
2023-07-27 00:00
字體大小
大馬女神林明禎真係好受歡迎，最近就應旅發局邀請，精心策劃咗「香港旅人包」節目嘅頭炮「禎華遊」，同旅客推廣香港。原來，女神最鍾意食茶餐廳同大排檔，仲會坐中環摩天輪減壓（見圖）。唔知大家會唔會碰巧同明禎坐係同一部幸福摩天輪上面呢？
林明禎喺節目裏面，到訪銅鑼灣一間茶餐廳，點咗酥皮蛋撻、奶茶、沙嗲牛丁同西多士，食得好開心。佢自爆最愛係酥皮蛋撻，仲話：「嚟香港，你唔食茶餐廳，就等於沒嚟過。」女神之後又到中環欣賞維港夜景，仲透露：「以前喺中環生活過，所以對呢個地方好有親切感。已經坐過4次中環摩天輪，每次休息，一有時間想要放鬆，我就會嚟坐坐摩天輪，睇下夜景，然後就覺得成個人放鬆晒。」
Kelly Chu
更多文章
