KellyChu - 樂聚維港嘉年華將煞科 霸位睇「HK」煙火 維港周末「電音狂熱」星光閃閃｜Executive日記
KellyChu
2023-07-31 00:00
字體大小
旅發局主辦嘅「樂聚維港嘉年華」話咁快就嚟到尾聲，今個周末係最後兩日活動。之前維港水上音樂會、水上煙火特效等多個活動都大受歡迎，Kelly就同大家講下，最後兩日有咩睇頭！
嘉年華嘅「幻彩詠香江」水上煙火特效，一直備受市民同旅客歡迎，唔少人都提早霸定靚位打卡。小妹就提提大家，煙火表演晚上8點就準時上演，如果想拍到一開始出現嘅「HK」煙火特效，要提早準備好相機等待，因為喺表演第一秒就出現！而成個表演持續10分鐘，最後3分鐘係另一高潮所在，要留意到最後呀！
維港水上音樂會今個周末亦嚟到最後六場，會以「電音狂熱」為主題， 邀請一班亞洲頂尖音樂人炮製「電音」Party，包括本港人氣新生代歌手Tyson Yoshi、南韓Rapper Reddy等，攞到免費門票嘅朋友提早到場！當日更有花樣百出嘅街頭表演、令人心跳加速嘅極限運動表演！
Kelly Chu
更多文章
