Cally - 爭鮮會員 齊創健力士世界紀錄｜商界講呢啲
Cally
2023-08-11 00:00
字體大小
過江龍壽司店品牌爭鮮近幾年擴充速度好快，眨吓眼喺香港已經有超過一百間分店，成為本地分店最多嘅壽司連鎖店。除咗掌握咗香港人鐘意食日本嘢同疫情期間「宅經濟」興起嘅timing外，仲因為佢哋喺產品質量同客戶體驗方面都做得好！
爭鮮七月起升級用日本新潟出產既「越伊吹」米做壽司，口感同味道都提升咗，難得價錢都無變，仲聽聞佢哋投資咗八位數字，真係不惜工本！上星期又搞咗個會員限定嘅「我要做世一」嘉年華，招待咗近600個會員玩遊戲、送禮品、影相打卡。仲請埋王灝兒 (JW)做表演嘉賓，獻唱首本名曲，會員都玩得好開心。
活動嘅重頭戲係所有參加者喺同一時間品嚐三款壽司，並在健力士世界紀錄官方認證官、見證人及監督員核對後，確認今次活動成為「最大規模的壽司品鑑活動」。爭鮮（香港）總經理陳耀榮話，活動大半年前已經籌備，花咗唔少心思同時間，但見到會員玩得開心投入，仲可以齊齊創出新嘅世界紀錄，都係好值得。
Cally
更多文章
