郭志仁 - 女友在聽他們對話｜九宮格
郭志仁
2023-08-18 00:00
字體大小
廣告界壞男人L是咖啡迷，最愛下午到公司附近咖啡店充電，順道跟情人短聚。短髮運動型情人跟L在舊公司認識，各自有另一半。後來L跳槽新公司，地點跟舊公司相近，可以繼續跟這位「舊同事」Happy Hour。兩人如常到同一間咖啡店，畢竟是公眾地方，人來人往，只能低調談情，偶爾假扮咬耳仔輕吻對方。L很享受每天雙重叉電時間，咖啡因加上偷食快感，兩種享受，就如眼前那杯dirty。
甜蜜時刻L女友來電，兩人當然有默契，情人懂得行開一會或者查看電郵。對話期間，L不慎倒瀉咖啡，着女友先掛斷電話，情人主動幫手清理︰
女︰「你有冇事呀，條褲濕晒喇，陣間見客，使唔使幫你買條新？」
L︰「都可能要，你幫我買返類似上次嗰條。」
女︰「要一樣色？」
L︰「好呀。」
準備抹乾電話，才發覺原來女友仍在線，怎麼辦？
「唔好驚，唔好亂」L遵循說謊黃金比例，七分真三分假，時間地點內容屬實，只有人物是虛假。
L刻意靠近電話說︰「Kelly，都係唔好幫我買，你上返公司準備同客開會資料先，我自己搞掂。你話俾阿姐知我轉頭返。」
做完戲，L重開電話致電女友。
L︰「sorry呀，頭先倒瀉咖啡，整濕晒條褲。」
女友：「你自己一個人？」
L︰「唔係呀，同個intern一齊傾開會啲嘢。我最近買嗰條褲，都係搭佢單上網買，頭先佢仲好好話幫我買過條。」
女友：「而家啲Intern有咁好嘅咩？！」
L相信女友當時仍然在線，不過無憑無據，只能選擇相信他的版本。各位女士注意，壞男人掩飾罪行，會刻意主動披露詳情，此地無銀。
「一場無味的愛情像個謊話，甜的時候只相信它，苦了以後每一句都可怕」張學友－咖啡
郭志仁
最Hit
更多文章
